पाटे बाघको आक्रमणमा परी बर्दियामा महिलाको मृत्यु

२८ पुस, बर्दिया । पाटे बाघको आक्रमणमा परी बर्दियामा एक महिलाको मृत्यु भएको छ । बर्दिया राष्ट्रिय निकुञ्जका अनुसार ठाकुरबाबा नगरपालिका–७ सुन्दरपुर निवासी ४० वर्षीया पदमकला थापाको मृत्यु भएको हो ।

ठाकुरबाबा नगरपालिका–६ को बकुवा सामुदायिक वन छेउमा बाख्रा चराउने क्रममा गोठालो गएका बेला पाटे बाघको आक्रमणमा परेको निकुञ्जका प्रमुख संरक्षण अधिकृत अशोककुमार रामले बताए ।