जय ट्रफीः मधेसलाई हराउँदै आर्मी ८ विकेटले विजयी

२८ पुस, काठमाडौं । त्रिभुवन आर्मी क्लब ८ विकेटले विजयी भएको छ ।  जय ट्रफी एलिट कप अन्तर्गतको खेलमा त्रिभुवन आर्मी क्लबले मधेश प्रदेशलाई ८ विकेटले हराउँदै विजयी भएको हो । मधेश प्रदेशले दिएको जम्मा २८ रनको लक्ष्यलाई आर्मीले २ विकेट क्षतिमा नै सफलता हासिल गरेको हो ।

आर्मीले पहिले ब्याटिङ गर्दै ९ विकेट क्षतिमा २२५ रन बनाएर पारी समाप्तिको घोषणा गरे पनि मधेश प्रदेश पहिलो इनिङमा १०२ रनमै अलाउट भएर फलोअनमा परेको थियो । जारी खेलमा १२३ रनले पछि परेको मधेशले दोस्रो इनिङमा भने १५० रन मात्रै जोड्न सक्यो ।

जम्मा २८ रनको लक्ष्य पाएको आर्मीले त्रितराज दास र सन्तोष कार्कीलाई गुमाए पनि ओपनर इमरान सेख र बसिर अहमदले टिमलाई जित दिलाउन सफल भएका थिए ।

जितसँगै त्रिभुवन आर्मी क्लब फाइनल नजिक पुगेको छ भने मधेशको टिम भने आइतबारबाट बाहिरिएको छ ।