सांग्रिला डेभलपमेन्ट बैंकको २० औँ वार्षिक साधारण सभाले पारित गर्यो नगद लाभांश वितरण गर्ने प्रस्ताव

२९ पुस, काठमाडौं । सांग्रिला डेभलपमेन्ट बैंकको २० औँ वार्षिक साधारण सभाले नगद लाभांश वितरण गर्ने प्रस्ताव पारित गरेकाे छ ।

सोमबार अम्रपाली ब्याङ्क्वेट बालुवाटारमा सम्पन्न बैंकको सम्पन्न २० औँ वार्षिक साधारणसभाले बैंकको चुक्ता पूँजी तीन अर्ब त्रिचालीस करोड नौ लाख एकहत्तर हजार तीन सय दुई रुपैयाँ पचपन्नको ३.६५१६ प्रतिशत बाह्र करोड बाउन्न लाख चौरासी हजार चार सय सत्र रुपैयाँ बराबरको बोनस सेयर तथा कर भुक्तानी प्रयोजनका लागि चुक्ता पूँजीको ०.१९२२ प्रतिशतले हुन आउने रकम पैसठ्ठी लाख त्रियानब्बे हजार नौ सय सत्र रुपैयाँ नगद लाभांश वितरण गर्ने प्रस्ताव पारित गरेको छ । 

यो प्रस्ताव पारित भएसँगै सांग्रिला डेभलपमेन्ट बैंकको चुक्ता पूँजी ३,५५,६२,५५,७१९.५५ (तीन अर्ब पचपन्न करोड बैसट्ठी लाख पचपन्न हजार सात सय उन्नाइस रुपैयाँ पचपन्न पैसा) पुगेको छ ।

साधारण सभाले आ.व.०८०-८१ को वित्तीय विवरणसहित लेखा परीक्षकको नियुक्ति, प्रवन्धपत्र संशोधन, मर्जर तथा प्राप्तिलगायतका प्रस्ताव समेत पारित गरेको छ ।

आम नागरिकको प्रगाढ विश्वास र भरोसाले गर्दा साग्रिला डेभलपमेन्ट बैंकले हाल मुलुक भर ११२ शाखा कार्यालय, ३० वटा एटीएम मार्फत सेवा प्रवाह गर्दै आएको छ । 

यसका साथै संस्थागत सुशासन, जोखिम व्यवस्थापन र आन्तरिक नियन्त्रण प्रणालीको उत्कृष्ट अभ्यासलाई पालना गर्दै आएको यस बैंकले आगामी दिनमा यसलाई अझ सशक्त बनाउँदै लैजाने प्रतिवद्धता व्यक्त गरेको छ ।