संवैधानिक पदाधिकारी नियुक्तिविरुद्धको रिटमा आज सुनुवाइ, फैसला आउन सक्ने

२ माघ, काठमाडौं । तत्कालीन नेकपा नेतृत्वको सरकारले नियुक्त गरेका ५२ जना संवैधानिक पदाधिकारीविरुद्ध परेको रिटमा आज फैसला आउने सम्भावना देखिएको छ । यसअघि पटक पटक हेर्न नभ्याइनेमा पर्दै आएको यो रिटको पेशी बुधबार दोस्रो नम्बरमा छ । 

संवैधानिक परिषदले नियुक्त गरेका ५२ संवैधानिक पदाधिकारी विरुद्धको रिट सर्वोच्च अदालतको संवैधानिक इजलासमा दोस्रो नम्बरमा परेको छ । संवैधानिक इजलासमा यो रिट चार वर्षदेखि फैसला हुन सकेको छैन । ती पदाधिकारीको कार्यकाल संवैधानिक भूमिकामा चार वर्ष पुगेको छ ।