काठमाडौंको काडाँघारीबाट साढे ४ सय किलो बढी रक्तचन्दन बरामद, दुई जना पक्राउ

२ माघ, काठमाडौं । प्रहरीले काठमाडौंको काँडाघारीबाट ठूलो परिमाणमा रक्तचन्दन बरामद गरेको छ । रक्तचन्दनसहित दुई जना पनि पक्राउ परेका छन् । उक्तरक्त चन्दन साढे ४ सय किलो भन्दा बढी भएको बताइएको छ । 

उपत्यका अपराध अनुसन्धान कार्यालयको टोलीले बोरामा राखिएको रक्तचन्दनसहित दुई जनालाई पक्राउ गरेको हो । पक्राउ परेकाहरुको नाम र रक्तचन्दको विवरण प्रहरीले सार्वजनिक गर्ने तयारी गरेको छ । 

बोरा–बोरामा प्याक गरेर राखिएकाले त्यसको तौल लिएर मात्रै परिमाण सार्वजनिक गर्ने प्रहरीले जनाएको छ । यसबारे अन्य कुनै जानकारी प्रहरीले दिएको छैन् । टोलीले बोरामा प्याक गरेर राखिएको अवस्थामा रक्तचन्दन बरामद गरेको हो ।