नेता कोइरालासँग अनमिन पूर्व प्रमुख इयान मार्टिनको भेट, संक्रमणकालीन न्यायलाई छिटो टुङ्गयाउन जोड

२ माघ, काठमाडौं । बेलायत भ्रमणमा रहनुभएका नेपाली कांग्रेसका वरिष्ठ नेता डा. शेखर कोइरालाले तत्कालीन नेपालको शान्ति प्रक्रियामा निकै महत्त्वपूर्ण भुमिका खेलेको अनमिनका नेपाल प्रमुख ईयान मार्टिनसँग लण्डनमा भेटघाट गरेका छन् ।

भेटघाटका क्रममा मार्टिनले अहिले पनि नेपालको शान्ति प्रक्रिया अझै नटुङ्गिएकोले जतिसक्दो छिटो यसलाई टुङ्ग्याउन सुझाव दिएका छन् ।

कोइरालासँगको भेटमा उनले यस्ता कुरालाई लामो समयसम्म राख्न नहुने बताएको कोइरालाका स्वकीय सचिव दिनेश थपलियाले नेपालबहसलाई बताए। तत्कालीन समयमा बिद्रोहमा रहेको दल समेत निर्वाचन प्रक्रियामा प्रवेश गरिसकेको र अहिले नेपालमा कुनै पनि हिंसा नरहेकोले संक्रमणकालीन न्यायलाई छिटो टुङ्गयाउनु पर्ने उनको जोड थियो ।