राष्ट्रपतिले जारी गरे रोकिराखेको भूमिसम्बन्धी अध्यादेश

२ माघ, काठमाडौं । राष्ट्रपति रामचन्द्र पौडेलले भूमिसम्बन्धी अध्यादेश जारी गरेका छन् । बुधबार राष्ट्रपति पौडेलले भूमिसम्बन्धी केही नेपाल ऐनलाई संशोधन गर्ने अध्यादेश, २०८१ जारी गरेका हुन् ।

उनले संविधानको धारा ११४ को उपधारा (१) बमोजिम अध्यादेश जारी गरेको राष्ट्रपतिको कार्यालयले जनाएको छ । २६ पुसमा बसेको मन्त्रिपरिषद्को बैठकले भूमिसम्बन्धी सहित पाँच अध्यादेश जारी गरेको थियो । अरू चार अध्यादेश यसअघि नै जारी भइसकेका छन् ।