सरकारविरुद्ध जाने कार्यक्रम नै नबनेपछि बिपक्षी दलको संयुक्त पत्रकार सम्मेलन स्थगित

३ माघ, काठमाडौं  । सरकारविरुद्धका कार्यक्रम घोषणा गर्न विपक्षी दलहरूले राखेको पत्रकार सम्मेलन नहुने भएको छ । बुधबार बसेको विपक्षी दलको संयुक्त बैठकले सरकार स्वेच्छाचारी भएको भन्दै विरोधका कार्यक्रम बनाउने निर्णय गरेको थियो । संसदको हिउँदे अधिवेशन बोलाउन सरकारसँग माग गर्दै आएका विपक्षी दलले बनाएको कार्यदलले के के कार्यक्रम बनाउने भन्ने टुंगो लगाउन नसकेपछि पत्रकार सम्मेलन स्थगित भएको हो । 

कार्यदलले काम पुरा नगरे पछि पत्रकार सम्मेलन रोकिएको हो । अब शुक्रबार ३ बजे  हुनेछ, विपक्षी दलका एक नेताले बताए । अध्यादेशबाट सरकार सञ्चालन गर्ने प्रवृत्ति देखिएको साझा निष्कर्ष निकाल्दै विपक्षी ६ दलको बैठकले चाँडोभन्दा चाँडो नियमित अधिवेशन नबोलाए विशेष अधिवेशन माग गर्ने समझदारी गरेका थिए ।

आजको पत्रकार सम्मेलनको तयारीका लागि नेकपा माओवादी केन्द्रका नेता बर्षमान पुन र नेकपा एसका नेता बेदुराम भुषालको २ सदस्सीय कार्यदल बनाएको थियो । बिपक्षीहरूको साझा धाराणा बनाउन ड्राफ्ट तयार गर्ने जिम्मेवारी उनीहरूलाई तोकेको थियो । तर, कुनै ड्रफ्ट नै बनेन् ।