त्रिपाठीमाथि आक्रमण गर्नेलाई कारबाही हुन्छः गृहमन्त्री

३ माघ, काठमाडौं । गृहमन्त्री रमेश लेखकले वरिष्ठ अधिवक्ता दिनेश त्रिपाठीमाथि भएको घटना दुःखद भएको भन्दै घटनामा संलग्न जोसुकैलाई कारबाही गर्ने जानकारी दिएका छन् । लेखकले काठमाडौं जिल्ला अदालत परिसरमा बुधवार अधिवक्ता त्रिपाठीमाथि भएको हातपात निन्दनीय भएको भन्दै अराजक गतिविधि गर्नेलाई कारबाही हुने बताए ।

बिहीबार सभापति देउवा निवासमा भएको बैठकबाट बाहिरिने क्रममा उनले दोषीमाथि कारवाही हुने बताएका हुन् । यो देशमा लोकतन्त्र छ । मानिसले आफ्नो व्यवसाय गर्न पाउँछ । त्यसमा बाधा व्यवधान गर्ने र कानुन विपरीत काम गर्ने जो सुकैलाई कारबाही हुन्छ । यो गलत काम भएको छ । यस्तो अराजकता गर्ने जुनसुकै पार्टीका मानिस भए पनि कारबाही हुन्छ ।