लाजियोलाई कोपा ईटालियाको उपाधि

एजेन्सी । ईटालियन कोपा ईटालियाको उपाधि लाजियोले जितेको छ । उपाधि भिडन्तमा एटलान्टालाई २–० गोल अन्तरले पराजित गर्दै लाजियोले कोपा ईटालियाको उपाधि हात पारेको हो ।

खेलको अन्तिम ८ मिनेटमा दुई गोल गर्दै लाजियोले उपाधि हात पार्न सफल भयो । बैकल्पिक खेलाडीको रुपमा मैदान छिरेका मिलिनकोभिक साभिकले ८२ औ मिनेटमा गोल गर्दै लाजियोर्ला सुरुवाती अग्रता दिलाएका थिए ।

खेलको अन्तिम मिनेटमा फरवार्ड जोकिन कोरियाले गोल गर्दै टोलीको जित सुनिश्चित गरे । उपाधिसंगै लाजियो अर्को सिजन युरोपा लिगमा छनोट भएको छ ।

चौथो स्थानको एटलान्टाको च्याम्पियन्स लिगमा छनोट हुने सम्भावना कायमै छ । उसले लिगको अन्तिम दुई खेलमा युभेन्ट्स र सासुलोविरुद्व जित निकाल्नुपर्नेछ । सात पटकको उपाधि जितेका लाजियोले सन् २०१३ मा अन्तिम कप कप उपाधि उचालेको थियो ।