लगनखेलको बसपार्कमा कुकर बम फेला !

काठमाडौं । काठमाडौंका दुई स्थान सुकेधारा र घट्टेकुलोमा बम विस्फोट भएर तीनजनाको ज्यान गएको घटना सेलाउन नपाउदै ललितपुरका दुई स्थानमा बम भेटिएको छ।

लगनखेलको बसपार्कमा कुकर बम र बालकुमारीमा पनि विस्फोटक पदार्थ भेटिएपछि सुरक्षाकर्मीहरुको टोली घटनास्थल पुगेको छ।

नेकपा विप्लव समूहले आह्वान गरेको नेपाल बन्दको पूर्वसन्ध्यामा एकपछि अर्को विस्फोटमा ज्यान गएपछि सर्वसाधारण आतंकित बनेका छन्। सुकेधाराको एक सैलुनमा भएको विस्फोटमा दुई जनाको ज्यान जानुका साथै तीन जना घाइते भएका छन्।

घट्टेकुलोमा घरभित्रै विस्फोट भएर एक जनाको ज्यान जानुका साथै छ जना घाइते भएको प्रहरीले जानकारी दिएको छ। घरभित्रै विस्फोट भएकाले कसरी विस्फोट भएको भन्नेबारे प्रहरीले अनुसन्धान गरिरहेको छ। प्रज्जवल शाहीको घरमा विस्फोट भएको प्रहरीले जानकारी दिएको छ।