रोनाल्डोको पछिल्लो १० वर्ष यताकै कम गोल

एजेन्सी । क्रिष्टियानो रोनाल्डोले इटालियन क्लब युभेन्टसमा पहिलो सिजन अन्त्य पछिल्लो १० वर्ष यताकै कम गोलमा अन्त्य गरेका छन् । उनी गएको सिजन स्पेनिस क्लब रियल मड्रिडबाट युभेन्टस गएका हुन् ।

उनले युभेन्टसबाट आफ्नो पहिलो सिजनमा मात्रै २८ गोल गरे । उनले ४३ खेल खेले । उनले सन् २००९–१० सिजन यता कम्तिमा ३३ गोल गरेका थिए । तर यो सिजन उनले मात्रै २८ गोल गरेका हुन् ।

उनले रियल मड्रिडमा ९ वर्षको बसाईमा हरेक सिजन क्रमशः ३३, ५३, ६०, ५५, ५१, ६१, ५१, ४२ र ४४ गोल गरेका थिए । रोनाल्डोले सन् २००८–०९ को सिजनमा म्यानचेस्टर युनाइटेडबाट खेल्दा २६ गोल गरेका थिए ।

रोनाल्डोले यो सिजन सिरी ए फुटबलमा २१ गोल गरे, बाँकी सात गोल च्याम्पियन्स लिग र अरु प्रतिस्पर्धामा गरेका हुन् ।