जेठको तेस्रो साता कांग्रेस प्रवक्ता शर्मा तम्घास जाने [कारण यस्तो छ]

गुल्मी । नेपाल कांग्रेसका प्रवक्ता विश्वप्रकाश शर्मा जागरण अभियानको क्रममा तम्घास जाने भएका छन् । मुसिकोट नगरपालिका वामी पुग्ने भनेका नेपाली कांग्रेसका प्रवक्ता शर्मा सदरमुकाम तम्घास जाने भएका हुन् ।

नेपाली कांग्रेसको जागरण अभियानलाई गुल्मीमा नेपाल बिद्यार्थी संघ गुल्मी र नेपाल तरुण दल गुल्मीको सहकार्यमा संचालन हुन लागेको हो ।

नेपाल विद्यार्थी संघ गुल्मीका सभापति झविन्द्र पाण्डेले दिएको जानकारी अनुसार जेठ २० गते गुल्मी सदरमुकाम तम्घास बालमन्दिरमा कांग्रेसको जागरण अभियानको कार्यक्रम हुने भएको छ ।

नेपाल तरुण दल गुल्मी सभापति भरत भलामीले कार्यक्रम सदरमुकाम तम्घासमा गर्दा सभ्य र भब्य रुपले गर्न सकिने भन्दै तम्घासमा आयोजना गरिएको बताएका छन् ।