विश्वकप क्रिकेट : पाकिस्तानको अहिलेसम्मकै खराब प्रदर्शन !

एजेन्सी । विश्वकप क्रिकेटमा वेष्ट इण्डिजविरुद्ध पाकिस्तानले निकै खराब प्रदर्शन गरेको छ । टस हारेर पहिले व्याटिङ थालेको पाकिस्तानले २० ओभरमा ८६ रन बनाउँदा ९ विकेट गुमाइसकेको छ ।

उसका कुनै पनि व्याट्सम्यान टिकेर खेल्न सकेका छैनन् । फखहर जमान र बाबर अजामले समान २२ रन बनाउनुबाहेक अरु कुनै पनि व्याट्सम्यान टिकेर खेल्न सकेका छैनन् ।

पाकिस्तानको इनिङ ध्वस्त पार्न वेष्ट इण्डिजका कप्तान जेसन होल्डर र शेन थोमसले समान तीन तीन विकेट लिएका छन ।

पाकिस्तानले यसअघि इंग्ल्याण्डसँगको पाँच खेलको एकदिवसीय क्रिकेट चार शुन्यले गुमाएको थियो । यसले पनि देखाउँछ दुई बर्षअघि च्याम्पियन्स ट्रफी उचालेको पाकिस्तान यो विश्वकपमा निकै खराब लयमा छ ।