बन्दका दिनमा पनि सांग्रिला बैंक खुल्ला रहनेछ (हेर्नुहोस् समयतालिका)

काठमाडौं । सांग्रिला डेभलपमेन्ट बैंक लिमिटेडले विभिन्न शाखा कार्यालयहरुबाट संध्याकालिन काउण्टर (Evening Counter) तथा होलिडे काउण्टर (Holiday Counter) संचालन गर्दै आएको जानकारी दिएको छ । ग्राहकवर्गको माग तथा सुविधालाई मध्यनजर गर्दै देशभरका विभिन्न शाखा कार्यालयहरुमा यहि मिति २०७६/०२/१५ गते देखि संध्याकालिन काउण्टर तथा २०७६/०२/१८ गतेदेखि होलीडे काउन्टरको सुविधाहरु थप गरिएको जानकारी दिएको छ । बैंकका ८५ ओटा शाखा कार्यालयहरु तथा २४ वटा ए.टी.एम.हरुबाट ग्राहकहरुलाई बैंकिङ सेवा प्रदान गर्दै आएको जनाएको छ ।

बैंकले थप १३ ओटा शाखा कार्यलयबाट संध्याकालिन काउण्टर तथा होलीडे काउण्टरहरु संचालनमा ल्याएको छ । थप गरिएका संध्याकालिन तथा होलीडे काउण्टरहरु मध्ये काठमान्डाैं उपत्यका भित्र ४ ओटा शाखाहरु रहेका छन् । थप गरिएका संध्याकालीन तथा होलीडे काउन्टर सहित देशभरमा जम्मा १७ ओटा शाखाहरुबाट संध्यकालीन काउण्टर तथा जम्मा २१ ओटा शाखाहरुबाट होलिडे काउण्टर संचालन गरि ग्राहकवर्गलाई बैंकिङ सेवा प्रदान गरिएको व्यहोरा जानकारी गराएको छ ।

सार्वजनिक विदाको समयमा पनि बैंकिङ सेवा प्रदान गर्न शुरु गरेको यस विकास बैंकको होलिडे काउण्टर सेवा अन्तर्गत काठमाण्डौ तथा पोखरा उपत्यका एवं बाँके र कैलाली क्षेत्रमा विभिन्न शाखाहरुबाट मिति २०७६/०२/१८ बिहान १० बजेदेखि ३ बजेसम्म ग्राहकवर्गको निम्ति बैंकिङ सेवा खुल्ला रहेको व्यहोरा समेत जानकारी गराएको छ ।