विश्वकपमा न्युजिल्याण्ड बलियो की बंगलादेश ?

एजेन्सी । विश्वकप क्रिकेटको दोस्रो खेलमा बुधबार न्युजिल्याण्ड र बंगलादेश खेल्दैछन् । खेल लण्डनको किन्नाइट ओभल मैदानमा बेलूकी सवा ६ बजेपछि शुरु हुनेछ ।

दुबै टोलीले पहिलो खेल जितेका छन । बंगलादेशले बलियो मानिएको दक्षिण अफ्रिकालाई हराएको थियो भने न्युजिल्याण्डले श्रीलंकाथि १० विकेटको जित हात पारेको थियो ।

विश्वकप क्रिकेटमा तुलनात्मक रुपमा कमजोर आकिएको बंगलादेशले दक्षिण अफ्रिकालाई हराएर आफ्नो क्षमता देखाइसकेको छ । आज न्युजिल्याण्ड पनि बंगालदेशसँग सतर्क भएर खेल्नुपर्ने हुन सक्छ ।

उसका मुख्य हतियार मानिएका शकिब अल हसन व्याटिङ र बलिङ दुबैमा विश्वस्तरीय अलराउण्डर हुन । उनले जतिबेला पनि खेल आफ्नो पडकमा राख्ने क्षमता राख्छन ।

एसिया टाइगरको उपमा पाएको बंगलादेशका लागि तमिम इक्वाल, मुशाफिकर रहिम, सौम्य सरकार, लिटन दास जस्ता व्याट्सम्यान छन ।

यस्तै सबिर रहमान, मासार्फे मुर्ताजा, मेहेदी हसन, मुस्ताफिजुर रहमान लगायतका उत्कृष्ट फर्ममा रहेका बलर छन । दुई बर्ष अघि इंग्ल्याण्डमै भएको च्याम्पियन्स ट्रफीमा घरेलु टिमलाई हराउँदै बंगलादेश सेमीफाइनल पुगेको टिम हो ।

सन् २०१५ को विश्वकपमा फाइनल पुगेको किबी टोली व्याटिङ र बलिङ दुबैमा क्षमतावान टिम हो । मार्टिन गुप्टिल, कोलिन मुन्रो, केन विलियम्सन, रोस टेलर, टोम लाथम जस्ता व्याट्सम्यानले कुनै पनि बेला टिमका लागि शतकीय साझेदारी गर्ने क्षमता राख्छन ।

बलिङतर्फ टे्रन्ट बोल्ट, टिम साउथी, जेम्स निशम, मिचेल सान्टरन पनि उत्तिकै विश्वस्तरीय छन । न्युजिल्याण्डभन्दा कमजोर मानिएपनि सनसनीपूर्ण प्रदर्शनीका कारण विश्वकपमा बंगलादेशलाई ‘अन्डरडग’ टोलीका रुपमा हेरिएको छ ।