‘मिडिया काउन्सिल विधेयक’को विरोधमा काठमाडौंमा बृहत प्रदर्शन [फोटोफिचर]

काठमाडौं । मिडिया काउन्सिल विधेयक, आम सञ्चार ऎन , मुलुकी संहिता लगायत सञ्चारसँग सम्बन्धित कानुनका विरुद्ध नेपाल पत्रकार महासंघले शनिबार काठमाडौंमा बृहत प्रदर्शन गरेको छ ।

नेपाल पत्रकार महासंघको नेतृत्व र विभिन्न सञ्चार माध्यम तथा पेशागत समूहका प्रतिनिधिहरुको सहभागितामा सरकारद्वारा प्रस्तावित मिडिया काउन्सिल विधेयक एवं अन्य सञ्चार एेन विरुद्ध महासंघले बानेश्वरदेखि बबरमहलसम्म मानव हातेसाङ्लो बनाई बृहत प्रदर्शन गरेको हो ।

सरकारले संसदमा दर्ता गराएको मिडिया काउन्सिल विधेयकको विरोधमा पूर्वघोषित दोश्रो चरणको आन्दोलनको अन्तिम दिन प्रदर्शन गरिएको महासंघले जनाएको छ । विरोध प्रदर्शनमार्फत पत्रकारहरुले तत्काल प्रस्तावित विधेयक फिर्ता नभएमा सरकार विरुद्ध कठोर दवावमूलक आन्दोलनमा उत्रिने चेतावनी दिएका छन् ।

यसअघि महासंघले बिधयेकको बिषयमा सरकोकारवालाहरुसंग अन्तक्र्रिया कार्यक्रमको आयोजना गरेको थियो । दोश्रो चरणको आन्दोलनको समापनसंगै महासंघले अव तेश्रो चरणको आन्दोलन घोषणा गर्ने तयारी पनि गरेको छ ।