अंग्रेजी सुधार गर्ने अनौठो १०० वटा तरिकाहरु – भाग १

– गल्ति गर्न नडराउनु, आत्माविश्वासी बन्ने, यदि तपाईंले अरु कसैलाई बोलेर सुनाउनु भयो भने मात्रै मानिसहरुले तपाईंको गल्ति सच्चाइदिन सक्छन् ।

– तपाईंले आफ्नो लागि अंग्रेजी वातावरण सृजना गर्नुहोस् । आफुलाई अंग्रेजी बोल्ने वातावरण भएको ठाउँमा राख्नुहोस् । ताकि तपाईंले अरुले बोलेको सुनेर नै पनि अंग्रेजी सिक्न सक्नुहुनेछ । अंग्रेजी सिक्ने सबै भन्दा राम्रो तरिका भनेको बोल्ने अभ्यास गर्नु नै हो । जस्तो आउँछ त्यस्तै बोल्नुहोस् ।

– हरेक दिन सिक्ने अभ्यास गर्नुहोस् । तपाईं आफैँले अध्ययनको योजना बनाउनुहोस् । हप्तामा कति घण्टा समय अंग्रेजी सिक्न दिने भन्ने कुराको निर्णय गर्नुस् र समय तालिका बनाउनुहोस् ।

– तपाईंले आफ्नो अध्ययनको योजनाबारे आफ्नो परिवार र साथिहरुलाई भन्नुहोस् (संकल्प गर्नुहोस) । साथै आफुलाई सहयोग गर्न, प्रेरणा दिन र हल्ला, अवरोध नगर्न भन्नुस् वा अनुरोध गर्नुहोस् ।

– तपाईंले अंग्रेजीको मुख्य ४ वटा सिपहरु (पढाई, लेखाई, बोलाई र सुनाई) को अभ्यास गर्नुहोस् । यि ४ वटै आधारभूत सिपहरुको अभ्यासले तपाईंलाई अंग्रेजी सुधार गर्न धेरै नै सहयोग गर्नेछ ।

– तपाईंले सिकेको नयाँ शब्द लेख्नको लागि एउटा छुट्टै नोटबुक बनाउनुहोस् । ति शब्दहरुलाई बाक्यमा प्रयोग गर्नुहोस् र कम्तिमा तीन पटक बोल्ने अभ्यास गर्नुहोस् ।

– प्रत्येकदिन कम्तिमा एउटा अंग्रेजी सम्बन्धी गृहकार्य पाठ वा अभ्यास गर्नुहोस् । जस्तै दैनिकी, चिठी, समाचार सुन्ने, पढ्ने काम गर्नुहोस् ।

– आफुले सम्झेको र सिकेको शब्दहरुको सुची तयार गर्नु शब्द भण्डार सिक्ने अति नै चल्तिको र साधारण तरिका हो । यसले स्मरणलाई ताजा र दिगो बनाउँछ । यसो गर्दा आफैले आफ्नो परिक्षा लिन पनि सकिन्छ । जुन लामो समयसम्म याद नहुन पनि सक्छ ।

– तपाईंले आफ्नो शरिरको अवस्था, घडी(प्रहर)लाई ध्यान दिनुहोस् । यदि तपाईं विहान सिक्ने खालको व्यक्ति हुनुहुन्न भने दिउँसोको समयमा सिक्ने अभ्यास गर्नुहोस् ।

– तपाईंले शब्दमात्रै सिक्नुभन्दा आफुले सिकेको शब्दलाई उदाहरण सहित वाक्य बनाउन पनि सिक्नुभयो भने सिकेका शब्द याद गर्न धेरै सजिलो हुन्छ । क्रमशः नोट : अर्को १० वटा टिप्स पढ्नका लागि २३ घण्टा कुर्नुहोला ।

हिलारि हेस्टर, अंग्रेजी भाषा शिक्षक, अष्ट्रेलिया । अनुवादक : सन्तोष खड्का