अंग्रेजी सुधार गर्ने अनौठो १०० वटा तरिकाहरु – भाग ४

३१. उपसर्ग र प्रत्येय सिक्नुहोस -Learn prefixes (dis-, un-, re-) and suffixes (-ly, -ment, -ful)   यसले तपाईंलाई शब्दको अर्थ बुझ्न र शब्द भण्डार वृद्धी गर्न वा बढाउन मद्दत गर्छ ।

३२ तपाईं जहाँ–जहाँ पाउनुहन्छ वा सक्नुहुन्छ अंग्रेजी प्रयोग गर्नुहोस् । यो साधारण कुरा हो ।

३३. तपाईंको मातृभाषाबाट अंग्रेजीमा अनुवाद नगर्नुहोस् । तपाईंको अंग्रेजीको गतीलाई बढाउन अंग्रेजीमा नै सोच्ने गर्नुहोस् । तपाईं आफैसँग अंग्रेजीमा कुरा गर्नुहोस् । तर सार्वजनीक ठाउँ वा बसमा होइन नत्र मानिसहरुले तपाईको दिमागी सन्तुलनमा प्रश्न गर्न सक्छन् ।

अंग्रेजी सुधार गर्ने अनौठो १०० वटा तरिकाहरु – भाग ३

३४. तपाईं किताब पढेरमात्रै अंग्रेजी सिक्न सक्नुहुने छैन । कार हाँकेजस्तै अभ्यास गरेर मात्रै सिक्न सक्नुहुन्छ ।

३५. व्याकरण सिक्ने सबैभन्दा सरल र स्वभाविक तरिका भनेको बोल्नु हो ।

३६. एउटा अंग्रेजी दैनिकी वा लेखन पुस्तिका बनाउनुहोस् । सुरुवातमा हरेकदिन केही वाक्यहरु लेख्ने गर्नुहोस् । त्यसपछि विस्तारै अझ धेरै लेख्ने बानी बढाउँदै लैजानुहोस् ।

३७. तपाईंले अनलाईन ब्लग सुरु गरेर तपाईं को लेखनलाई संसारभरी नै फैलाउनुस् वा प्रचार गर्ने काम किन नगर्ने ?

३८. एउटा राम्रो लेखक बन्नको लागि धेरै भन्दा धेरै विचारहरुबारे चिन्तन वा दिमाग खियाउनुहोस् । ति कुराहरुलाई हिच्जे र व्याकरण मिल्छ कि मिल्दैन भन्ने चिन्ता नगरिकन कापीमा लेख्नुहोस् । त्यस पछि वाक्य संरचनाको बारेमा सोच्नुहोस् । त्यसपछि तपाईंको लेखलाई व्याकरण र हिच्जे पनि मिलाए फेरि लेख्नुहोस् । अन्त्यमा, लेखेको कुरालाई पढ्नुहोस् वा गल्तिहरु सच्याउन अरु कसैलाई दिनुहोस् ।

३९. भाषिक चिन्नहरुलाई ध्यान दिनुहोस् । जसले तपाईको भनाईको तात्पर्य वा आसयलाई पूर्ण रुपमा परिवर्तन गर्न सक्छ । यि दुई वाक्यहरुको फरक अर्थ पत्ता लगाउनुहोस् :
“A woman without her man is nothing” पुरुष बिनाको एउटा नारी केही पनि होइन
“A woman: without her, man is nothing” एउटा नारी बिना लोग्नेमानिस वा पुरुष केही पनि होइन ।

४०. हृदयबाट नै गाउनुहोस् । संसारलाई तपाईंको सुन्दर आवाज सुनाउनुहोस् । अंग्रेजी गीतहरु सिक्नुहोस् र गाउनुहोस् जसले तपाईंको धाराप्रवाह र ध्वनीलाई सुधार गर्छ ।

हिलारि हेस्टर, अंग्रेजी भाषा शिक्षक, अष्ट्रेलिया । अनुवादक : सन्तोष खड्का