अंग्रेजी सुधार गर्ने अनौठो १०० वटा तरिकाहरु – भाग ५

४१. अंग्रेजीमा पत्र मित्रता अथवा इन्टरनेटमा च्याट रुम, मन्च, सामाजिक संजाल प्रयोग गर्नुहोस् । यदी तपाईं कसैसँग अंग्रेजीमा बोल्न सक्नुहुन्न भने पत्र मित्रता अथवा इन्टरनेटमा च्याट रुम, मन्च, सामाजिक संजाल अर्को उत्कृष्ट तरिका हो ।

४२. अंग्रेजी सीडी प्रयोग गर्नुहोस् । केही वाक्यहरुलाई सुन्नुहोस् र सुनेका वाक्यहरुलाई दोहोर्याउनुहोस् । लय र स्वरको आरोह अवरोहलाई ध्यान दिनुहोस् ।

४३. रेडियोमा अंग्रेजी कार्यक्रम, समाचार सुन्नुहोस् । यसो गर्नाले तपाईंले ध्यान दिएर सक्रियतापुर्वक जानिजानी नसुनेपनि तपाईंको कानलाई अंग्रेजी सुन्ने तालिम प्राप्त हुन्छ वा बानी लाग्छ ।

४४. सीडी हेर्नुहोस् वा सुन्नुस्, साथै ठुलो स्वरले पढ्नुस् पनि । यसो गर्नु भाषिक संकेत, लय, उच्चारण सुधारका लागि अति नै राम्रो हुन्छ ।

४५. भनेको सुनेर लेख्ने अभ्यास गर्ने, सीडी वा साथीहरुलाई सुनेर जस्ताको त्यस्तै लेख्ने ।

अंग्रेजी सुधार गर्ने अनौठो १०० वटा तरिकाहरु – भाग ४

४६ कसैलाई पनि आफैँले बोलेको सुन्न मन पर्दैन । तर पनि आफैँले बोलेको सुन्ने कोशिष र हिम्मत गर्नुहोस् । आफ्नो आवाजलाई रेकर्ड गर्नुहोस् त्यसपछि उच्चारण र आरोह–अवरोहलाई ध्यान दिएर सुन्नुहोस् । यसले तपाईंलाई आफ्नो समस्या र कमजोरीहरु पत्ता लगाउन सहयोग गर्छ ।

४७. तपाईलाई सहयोग गर्ने शिक्षकसँग उहाँको पाठ भाषण वा बोली रेकर्ड गर्न भन्नुहोस् । यो समिक्षा गर्ने एकदम राम्रो तरिका हो । यसो गर्दा तपाईंले शिक्षकले बोलेको उच्चारण र गतिलाई पनि सुन्न सक्नुहुन्छ ।

४८. अंग्रेजी माध्यमबाट अंग्रेजी माध्यममा नै लेखिएका शब्दकोष प्रयोग गर्नुहोस् । जसले तपाईंलाई अंग्रेजीमा नै सोच्न र अनुवाद गर्ने बानी हटाउन सहयोग गर्छ ।

४९. यदी तपाईंलाईं अंग्रेजी माध्यमको शब्दकोष गाह्रो लाग्यो भने तपाईंको तहको सिकारुहरुले सिक्ने सरल शब्दकोष पनि पाइन्छ ।

५०.शब्दकोष प्रति अति नै परनिर्भर नहुनुहोस् । शब्दकोष तपाईंको लागि सहयोगी मात्रै हो तपाईंको मुख्य शिक्षक होइन ।

हिलारि हेस्टर, अंग्रेजी भाषा शिक्षक, अष्ट्रेलिया । अनुवादक : सन्तोष खड्का