काठमाडौंको विष्णुमती नदीमा बाढीले सतर्कता तह पार गर्यो !

काठमाडौं । काठमाडौं र आसपासका क्षेत्रमा वर्षा गराइराखेको बादलको प्रणाली केहि कमजोर भएता पनि स्थिर रहेकाले अझै केहि समयसम्म वर्षा हुने जल तथा मौसम पूर्वानुमान महाशाखाले जनाएको छ ।

शनिबार दिउँसोदेखि लगातार पानी परेपछि काठमाडौँको विष्णुमती नदीमा बाढी उर्लिएको छ। जल तथा मौसम विज्ञान विभागले विष्णुमतीमा बाढीले सतर्कताको तह पार गरेको जनाउँदै सतर्क हुन भनेको छ ।

विभागका अनुसार राजधानीको गोंगबु बसपार्क क्षेत्रमा विष्णुमतीको बाढी सतर्कताको तह भन्दा माथि पुगेको हो। विष्णुमतीमा सतर्कताको तह २.५० मिटर हो। तर त्यहाँ बाढी उर्लिएपछि पानीको सतह २.६१ मिटरमा पुगेको छ ।

अलर्ट!!
काठमाडौंको विष्णुमती नदीमा बाढीले सतर्कता तह पार गरेको छ।
वर्षा जारी छ र जलसतह बढ्दो छ। खतरा तह पनि पार हुन सक्छ। नयांवसपार्क क्षेत्र देखि टेकु दोभान सम्मको तटीय होचा स्थानमा उच्च सतर्कता अपनाऔं।
विष्णुमतीको जलसतह हेर्न यो लिङ्कमा जानुहोला।https://t.co/KOMW7jAIxh pic.twitter.com/efaA45nNu2

— Nepal Flood Alert! नेपाल बाढी सूचना! (@DHM_FloodEWS) July 6, 2019

साथै पूर्वी नेपालमा पनि वर्षा शुरू भएको छ। उक्त भूभागमा केहि घण्टा लगातार पानी पर्ने अनुमान रहेको छ । यता काठमाडौंको विष्णुमती नदीमा बाढीले सतर्कता तह पार गरेको छ। वर्षा जारी छ र जलसतह बढ्दो छ।

बाढी पूर्वानुमान महाशाखाले नयांवसपार्क क्षेत्र देखि टेकु दोभान सम्मको तटीय होचा स्थानमा उच्च सतर्कता अपनाउन आग्रह गरेको छ ।