चुरे र पहाडबाट बहने खोलाहरुमा पानीको बहाव बढ्ने

काठमाडौं । नेपाल बाढी पूर्व सुचनाले आज मेचि, विरिङ, निन्दा लगायत झापा, मोरङ, सुनसरी, ईलामबाट बहने साना नदीहरू केहीमा बहाव बढ्ने अनुमान गरेको छ ।

नदीमा आज पानीको बहाव सतर्कता तह सम्म पुग्न सक्ने भएकाले सतर्कता अपनाउन आग्रह गरेको छ । यस्तै सुदुरपश्चिम, गण्डकी प्रदेश, प्रदेश ३, २ र १ को पहाडी र चुरेबाट बहने केही स-साना नदीहरूमा समेत आकस्मिक वहाव हुने संभावना रहेको विभागले जनाएको छ ।

असार २३ गते बिहान ७ बजे मापन गरिए अनुसार देशैभरका सबै ठूला नदीहरु सबैको बहाव सतर्कता तह भन्दा तलै रहेको छ । विभागका हनुसार पूर्वी क्षेत्र ईलाम, झापा र मोरङका जिल्लामा भारी बर्षा भएकाले चुरे र पहाडबाट बहने खोलाहरुमा पानीको बहाव बढ्ने देखिएको छ ।