सामाजिक सद्भाव बिथोल्नेलाई कानुनी कारवाही गर्न मुस्लिम समाज पर्साको माग
आबिद हुसेन
चैत ३०, २०८० शुक्रबार १८:२०:२
३० चैत, वीरगञ्ज । नेपाली मुस्लिम समाज पर्साले जिल्ला प्रशासन कार्यालय पर्सा मार्फत प्रधानमन्त्री र गृहमन्त्रीलाई ज्ञापन पत्र बुझाएका छन् । मुस्लिम धर्मावलम्बीमाथि आक्रमण गर्ने खालका खबर सम्प्रेषण गरेकोमा आपत्ती जनाउँदै मुस्लिम समाज पर्साले पर्साका प्रमुख जिल्ला अधिकारी दिनेश सागर भुसााललाई ज्ञापन पत्र बुझाएको हो ।
नेपाली मुस्लिम समुदायले सामाजिक हित, राष्ट्रहित, लोकतन्त्र र परिवर्तनका लागि खेलेको भूमिकालाई नजरअन्दाज गर्दै सरकारले पनि मुस्लिमसँग सौतेलो व्यवहार गरेको ज्ञापन पत्र बुझाउन गएका मुस्लिम अगुवा जफर अंसारीले बताए ।
रोजाको अवसरमा सामाजिक सञ्जालमा आपत्तीजनक कुराहरु लेखेर मुस्लिम समुदायलाई आँच आउने काम गरेकोमा ज्ञापन पत्रमार्फत आपत्ती जनाउँदै उनीहरुले कारवाहीको लागि गृहमन्त्रीको ध्यानाकर्षण गराएका छन् ।
२८ चैतमा सामाजिक सञ्जालमार्फत सर्वोच्च अदालतका निवर्तमान न्यायाधीश कमलनारायण दासले लेखेको कुराले मुस्लिम समुदायमाथि ठेस पुगेको ज्ञापन पत्रमा उल्लेख छ । ‘संविधानको भाग ३ मा उल्लेखित मौलिक हक र कर्तव्यको उल्लंघन भएको छ ।
प्रत्येक नेपालीले वर्तमान संविधानलाई हृदयले मानेको अवस्थामा कमलनारायण दास संविधानको खिलाफ जानुभएको छ’, ज्ञापन पत्रमा लेखिएको छ । निजको समाचारले वर्तमान नेपाली समाजमा कलह र अशान्तीको वातावरण सृजना गरेको सञ्चारकर्मी आविद हुसैनले बताए ।
मुस्लिम समुदायका ईश्वरिय दुत पैगम्बर मुहमद स।को चरित्र हत्या गर्ने व्यक्तिउपर आवश्यक कारवाही गर्न उनले गृहमन्त्रीसँग माग गरेका छन् । साथै मुस्लिम समुदायको संवैधानिक जिउज्यानको सुरक्षा गर्न, तथा मस्जिद, मदर्सा लगायतका धार्मिक स्थलको सुरक्षा गर्न पनि ज्ञापनपत्रमार्फत माग गरिएको छ ।
शान्तीपूर्वक बाँच्न पाउने तथा आस्था अनुसारको कार्य गर्ने वातावरणको सृजना गरिदिन पनि माग गरिएको छ । ज्ञापन पत्र बुझाउनका लागि जफर अंसारी, आबिद हुसेन, मेहबुब अलि, रेयाज अहमद, शेष मन्सुर, अनवर हुसेन, अब्बास मंसुरी लगायत उल्लेख्यको उपस्थिती रहेको थियो ।
यसै विषयमा मुस्लिम आयोगको पनि ध्यानाकर्षण भएको छ । मुस्लिम आयोगका अध्यक्ष समिम मियाँ अन्सारीले शुक्रवार प्रेस विज्ञप्ती जारी गर्दै कमलनारायण दासको नामबाट भएको पोस्टप्रति आपत्ती जनाएका छन् ।
मुस्लिम समुदायको पवित्र रमजान महिनामा पर्ने रोजालाई इंगित गर्दै मुस्लिम समुदाय, ईस्लाम धर्म र ईस्लाम धर्मका प्रवर्तक समेतलाई अनादर र अपमानित गर्ने नियतले झुठा र भ्रामक तथा कपोकल्पित कुराहरु पोस्ट गरी धार्मिक र सामाजिक सद्भाव बिथोलेको आयोगको विज्ञप्तीमा उल्लेख छ । धार्मिक सहिष्णुता र सामाजिक सद्भाव खल्बल्याउनेलाई कानुनी कारवाही गर्न पनि विज्ञप्तीमार्फत माग गरिएको छ ।
आबिद हुसेन
आबिद हुसेन नेपालबहस डटकमका मधेश प्रदेश प्रमुख हुन् । बिगत डेढ दशकदेखि विभिन्न सञ्चारमाध्यममा सक्रिय पत्रकारिता गर्दै आएका हुसेनले एफएम रेडियो, टेलिभिजन एवं पत्रपत्रिकाहरुमा आबद्ध रही काम गर्दै आएका छन् । हुसेन यसअघि सगरमाथा टेलिभिजन, क्राइम टुडे मासिकको बीरगञ्ज संवाददाता तथा बीरगञ्जबाट प्रकाशित हुने दिशानिर्देश अनलाइनमा सम्बद्ध रहेका छन् ।
लेखकबाट थप४२ डिग्रीको गर्मीमा ‘गुइँठा’ बनाउँदै महोत्तरीका गृहिणी
बैशाख २०, २०८१ बिहिबार
चालीस डिग्रीभन्दा बढी तापक्रम हुन थालेपछि मधेशको जनजीवन प्रभावित
बैशाख १९, २०८१ बुधबार
रौतहटमा अत्यधिक गर्मीले खोला नाला सुके, पानी नपाएर मर्न थाले जनावर !
बैशाख १९, २०८१ बुधबार
एसपीको ड्राइभर कि घुमुवा ?
नेपालबहस संवाददाता
बैशाख १७, २०८१ सोमबार
आईजीकै सचिवालयमा एसएसपी कार्कीको चुरीफुरी !
नेपालबहस संवाददाता
बैशाख १९, २०८१ बुधबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
आईजीकै सचिवालयमा एसएसपी कार्कीको चुरीफुरी !
बैशाख १९, २०८१ बुधबार
सशस्त्र प्रहरी बलका १६ डीआईजी र १८ एसएसपीको सरुवा, मधेश प्रदेशमा धौबजी र कोशीमा सुवेदी
बैशाख १९, २०८१ बुधबार
नेपालगञ्ज मेडिकल कलेजको शेयर संरचना परिवर्तन, अध्यक्षमा व्यवसायी खुमा अर्याल सर्वसम्मत
बैशाख १९, २०८१ बुधबार
अर्थमन्त्रीले कसरी बनाउँदैछन आगामी बजेट ?
बैशाख २०, २०८१ बिहिबार
विनिमय दर: डलर स्थिर रहँदा युराे र पाउण्ड घट्याे
बैशाख २०, २०८१ बिहिबार
प्रधानमन्त्रीले चार बजे बोलाए मन्त्रिपरिषद् बैठक, बजेट अधिवेशनबारे निर्णय हुने
बैशाख २०, २०८१ बिहिबार
धादिङमा घरमा आगलागी हुँदा वृद्ध दम्पतीको मृत्यु
बैशाख २०, २०८१ बिहिबार
विद्यार्थीहरुलाई पुरा जानकारी लिएर मात्र क्यानडा आउन दुतवासको आग्रह
बैशाख २०, २०८१ बिहिबार
श्रीलंकाको राष्ट्रपति निर्वाचनमा विक्रमासिङ्घे र राजापाक्षे भिड्ने सम्भावना
बैशाख २०, २०८१ बिहिबार