गृह मन्त्रालयद्वारा ६ जना एसएसपीको सरुवा, काठमाडौंमा रजौरे र अपराध महाशाखामा भट्टराई

१४ वैशाख, काठमाडौं । एक वर्ष पनि नपुग्दै र बिना कारण गृह मन्त्रालयले विभिन्न स्थानमा कार्यरत ६ जना एसएसपीको सरुवा गरेकाे छ । उपत्यका अपराध कार्यालयमा कार्यरत एसएसपी सोमेन्द्रसिंह राठोरलाई राष्ट्रिय सुरक्षा परिषदमा लगिएको छ । काठमाडौं जिल्ला प्रहरी परिसरका एसएसपी भुपेन्द्र खत्रीलाई अपराध अनुसन्धान विभागमा सरुवा गरिएको छ । 

यसअघि विभागमा रहेका बसन्त रजौरेलाई काठमाडौं प्रहरी प्रमुखको जिम्मेवारी दिएको छ । यसअघि सुरक्षा परिषदमा रहेका सानुराम भट्टराई उपत्यका अपराधमा आएका छन् । कोशीमा रहेका एसएसपी राजन अधिकारीलाई हेडक्वार्टरको तालिम निर्देशनालयमा ल्याइएको छ ।

प्रहरी प्रधान कार्यालय तालिम निर्देशनालयका एसएसपी अभिनारायण काफ्लेलाई कोशी प्रदेश तालिम निर्देशनालयमा पठाइएको छ । उनीहरू सबैको सरुवा तथा पदस्थापन भइसकेको छ ।