बैंक अफ काठमाण्डूका कार्ड बहाकलाई रु.१,५०० सम्म नगद फिर्ताको अफर

१४ असोज, काठमाडौं । बैंक अफ काठमाण्डू लिमिटेड स्मार्टडोकोबीच एक सम्झौता भएको छ । नजिकिएको पर्वलाई लक्षित गरि बैंक र स्मार्टडोकोबीच सम्झौता भएको हो ।

सम्झौता अनुसार बैंकको डेबिट तथा क्रेडिट कार्ड बाहकले स्मार्टडोकोको स्मार्ट दशैं अफरमा २० प्रतिशतसम्म नगदफिर्ता पाउने छन् । स्मार्टडोकोले आजबाट संचालनमा ल्याएको स्मार्ट दशैं अफरमा बैंकको कार्डबाहक महानुभावहरुले आफ्नो डेबिट तथा क्रेडिट कार्ड प्रयोग गरी अनलाइनको माध्यमबाट प्रिपेमेन्ट गर्दा २० प्रतिशतसम्म नगदफिर्ता पाउने भएका हुन् ।

बैंकको कार्डबाहकले यस अफरबाट आफुलाई आवश्यक सामान खरिद गरी अनलाइन माध्यम मार्फत प्रीपेमेन्ट गर्दा बैंकको कार्ड प्रयोग गरेमा २० प्रतिशत वा अधिकतम रु.१,५०० सम्म नगदफिर्ता पाउनेछन् । स्मार्ट दशैं अफरमा बैंकको कार्डबाहकले नगदफिर्ता सहित विभिन्न किसिमका अग्रणी राष्ट्रिय र अन्तर्राष्ट्रिय ब्रान्डका सामानहरु खरिद गर्न सक्नेछन् ।

बैंकले ९० शाखा कार्यालयहरु, ८० एटिएम र १० एक्स्टेन्सन काउन्टरबाट बैंकिङ्ग सुविधा प्रदान गर्दै आईरहेको बैंकका अफिसर सुजन पुडासैनीले जानकारी दिए ।