भारतमा बाढीको आंतक : गृहमन्त्री शाह र कांग्रेस नेता गान्धी हवाई निरीक्षणमा

एजेन्सी । भारतका गृहमन्त्री आज दक्षिणी र पश्चिम राज्यमा आएको बाढीको  अनुगमनका लागी हवाई निरीक्षणमा जाने भएका छन् ।

भारतीय सरकारका गृहमन्त्री अमित शाह आज कर्नाटकको बाढी प्रभावित जिल्लाको अनुगमन गर्न हवाई निरीक्षणमा जाने समाचार एजेन्सीहरुले जनाएका हुन्।

उनी बाढी प्रभावित बेलगावी इलाकामा हवाई निरीक्षणमा जान लागेका हुन् । भारतको दक्षिण र पश्चिममा गरी ५ राज्यमा बाढी लगातार रुपमा आइरहेको छ । केरला, कर्नाटक, महाराष्ट्र, तमिलनाडु र गुजरातमा ४ दिनमा १ सय ३६ जनाको बाढीबाट मृत्यु भएको छ । बाढीबाट सबैभन्दा क्षति केरलामा भएको छ । जहाँ ५७ जनाको मृत्यु भएकाे छ ।

यसैबीच, भारतीय कांग्रेसका नेता राहुल गान्धी पनि आज बाढी प्रभावित क्षेत्र  केरलाको वायनाडमा जाने भएका छन् । लगातार रुपमा आएको बर्षाका कारण बाढीले विनाश मच्चाइरहेको छ ।

अहिलेसम्म बाढीका कारण १० जनाको मृत्यु भैइसकेको बताइएको छ । बाढी पूर्वानुमान महाशाखाका अनुसार अझै केही दिन लगातार बर्षा भैइरहने भएकाले नदी आसपासका क्षेत्रमा बसोबास गर्नेलाई सर्तकता अपनाउन आग्रह गरिएको छ ।