शालिकरामको रहस्यमय हत्या, रविउपरको षड्यन्त्र र निर्मला पन्तको सम्झना

♠ अर्जुननरसिंह केसी

हत्या, बलात्कार लगायतका अनेकौं अपराध हुँदै जाने तर अपराधी गायब हुने एक वर्षयताका अनौठा घटनाहरूबाट नेपाली समाजले असुरक्षा र त्रासदीबोध गरिरहेको छ । टीभी पत्रकार शालिकराम पुडासैनीको हत्या वा आत्महत्या के हो भन्ने रहस्यमय सवाल जिवितै छ, तर अनुसन्धानको क्रममा यतातिर ध्यानै दिइएन । यस्तो रहस्यात्मक मृत्युबारे ‘किटानी जाहेर’ आफैंमा ठीक थियो कि थिएन ? यो आफैंमा प्रश्न छ ।

टीभी कार्यक्रमका प्रस्तोता रवि लामिछाने लगायत युवराज कँडेल र नर्स अस्मिता कार्कीलाई जे–जसरी धरपकड गरियो, त्यस्तो शैलीमा वास्तबिक अपराधी पत्ता लगाउनेभन्दा प्रतिशोध, षड्यन्त्र र प्रतिअपराधको दुरासय (Mallafied intention) अन्तरनिहित भएको देखिएपछि स्वस्फूर्त रुपमा जनआक्रोश भड्किएको स्वतः बुझ्न सकिन्छ । कसैको पक्षमा आएको समर्थक भीड नै न्यायको स्रोत हुँदैन । न्यायालयले कुनैपनि दबाब, प्रभाव वा सत्ताको मोलाहिजाबाट मुक्त भएर निष्पक्ष फैसला गर्नुपर्छ र फैसलामा इन्साफ हुनैपर्छ । तर जब जनमानसमा सरकार, यसका गतिविधि र सम्पूर्ण संयन्त्रमाथि चरम अविश्वास हुन्छ, त्यसपछि यस्ता भीडहरू जनमतका रुपमा सडकमा आउँछन् । यसलाई अस्वाभाविक भन्न मिल्दैन ।

खासगरी रविलाई यही बहानामा नराम्रोसँग फसाउने ठूलो षड्यन्त्र थियो, जनसमुदायको अजेय शक्ति र अदालतको निर्णयले गर्दा पूर्ण विफल भयो । यसबाट न्यायिक निष्पक्षतामा अरु भरोसा बढेको छ । तर पनि षड्यन्त्रको श्रृङ्खला टुङ्गियो भनेर ढुक्क हुनुहुँदैन । षड्यन्त्रकारीहरूको पहुँच र पकड सत्ताको भित्रैसम्म सशक्त रुपमा रहेको वास्तविकता कन्चनपुरकी बालिका निर्मला पन्तका बलात्कारी हत्यारा आजसम्म गायब हुनसक्नुले नै प्रमाणित गर्दछ ।

रविको पक्षमा चितवन लगायत देशभरि उर्लिएको अपार भीड राजनीतिक आग्रह वा पूर्वाग्रहबाट प्रेरितभन्दा पनि वर्तमान राज्य संयन्त्र र यसको सञ्चालक वर्तमान सरकारबाट निष्पक्ष न्याय र सुरक्षा सम्भवै छैन भन्ने अविश्वास र आक्रोशको अभिव्यक्ति समेत हो । निधन भएका पत्रकार शालिकरामको बिरूद्ध किमार्थ होइन, उनले न्याय पाउन अझ गहिरो अनुसन्धानको जरुरत छ ।

नियन्त्रणमा लिइएका सबैलाई अदालतको आदेशद्वारा भदौ ९ गते धरौटीमा रिहा गरिनु स्वागतयोग्य छ । खासगरी रविलाई यही बहानामा नराम्रोसँग फसाउने ठूलो षड्यन्त्र थियो, जनसमुदायको अजेय शक्ति र अदालतको निर्णयले गर्दा पूर्ण विफल भयो । यसबाट न्यायिक निष्पक्षतामा अरु भरोसा बढेको छ । तर पनि षड्यन्त्रको श्रृङ्खला टुङ्गियो भनेर ढुक्क हुनुहुँदैन । षड्यन्त्रकारीहरूको पहुँच र पकड सत्ताको भित्रैसम्म सशक्त रुपमा रहेको वास्तविकता कन्चनपुरकी बालिका निर्मला पन्तका बलात्कारी हत्यारा आजसम्म गायब हुनसक्नुले नै प्रमाणित गर्दछ ।

मानवोचित कमजोरी नभएको कुनै मानिस हुँदैन । रवि पनि मानवीय वास्तविकताबाट मुक्त नहोलान्, तर उनले भ्रष्टाचारबिरूद्धको सशक्त अभियान, वाणीबिहिनहरूलाई वाणी र न्याय दिलाउने कार्यमा सञ्चारमाध्यमलाई जुन प्रकार उपयोग गरे, त्यसबाट नेपाली समाज अतुलनीय स्तरमा कृतज्ञ र लाभान्वित भएको छ ।

स्व. शालिकराम मेरो गृहजिल्ला नुवाकोट निवासी भएको र मेरो भाईजस्तो सुपरिचित भएपनि रवि लामिछानेजीसँग, उहाँका कतिपय टीभी प्रस्तुती हेरेकोबाहेक मेरो कुनै सम्पर्क वा हिमचिम नभएकोले उहाँको निजात्मक विशेषताका बारेमा म केही भन्न सक्दिन । मानवोचित कमजोरी नभएको कुनै मानिस हुँदैन । रवि पनि मानवीय वास्तविकताबाट मुक्त नहोलान्, तर उनले भ्रष्टाचारबिरूद्धको सशक्त अभियान, वाणीबिहिनहरूलाई वाणी र न्याय दिलाउने कार्यमा सञ्चारमाध्यमलाई जुन प्रकार उपयोग गरे, त्यसबाट नेपाली समाज अतुलनीय स्तरमा कृतज्ञ र लाभान्वित भएको छ । यसलाई ध्यानमा राखेर र जनभावनालाई ख्याल गर्दै मैले शुरूदेखि नै तीनपटक सामाजिक सन्जालमा आफ्ना विचार राखिसकेको छु । म चाहन्छु, यो मामिलामा मेरो पार्टी नेपाली कांग्रेसले गम्भीर रुपमा लिनु जरुरी छ ।

र याेपनि पढ्नुहाेस्…….रवि लामिछानेको पक्षमा कांग्रेस नेता केसीको टुवीट, अनुसन्धान प्रक्रिया र राज्यसंयन्त्रमाथि नेता केसीको पनि आशंका

जे जसरी भए पनि पत्रकार शालिकरामको मृत्यु अत्यन्त दुःखद र खेदजनक हो । यसबाट उनकी धर्मपत्नी सम्झना तथा सम्पूर्ण परिवारले भोग्नुपरेको क्षति र दुःखद अवस्था अपूरणीय छ । ‘हत्या हो कि आत्महत्या’ हो ? यस घटनाउपर अझै गहिरो छानविन जरुरी देख्छु । यही विवाद र अनुसन्धानमा तानिएकी अस्मिताको प्रतिष्ठा र भविष्यलाई आँच पुग्ने कुनै पनि अन्याय वा गलतफहमी दुःखद हुन्छ । टीभी प्रस्तोता रविजी, युवराजलगायत अनुसन्धानका लागि नियन्त्रणमा लिइएका तथा शालिकरामको परिवारले निष्पक्ष न्याय र परिपूरण पाउनु पर्छ ।

यस्तै अनेकौं संवेदनशील र अनिवार्य कुरामध्ये, गत साल साउन १० गते कन्चनपुरकी किशोरी निर्मला पन्तलाई बलात्कारपछि हत्या गर्ने अपराधी पत्ता लगाएर कानुनको कठघरामा ल्याउने कारबाहीलाई यस घटनाले सरकारलाई उन्मुक्ति दिँदैन । यस्तै आपराधिक घटनाको श्रृङ्खलाले नै आजको परिस्थिति उत्पन्न भएको वास्तविकता सरकारले समयमै आत्मसात गरोस् ।             ♦लेखक केसी नेपाली कांग्रेसका प्रभावशाली केन्द्रिय सदस्य तथा पूर्वमन्त्री हुन्  ।