ओलीको धपेडीमा गगनको चिन्ता
नेपालबहस संवाददाता
भदौ १९, २०७६ बिहिबार १९:५३:२१
१९ भदौ, काठमाडौं । प्रधानमन्त्री खड्गप्रसाद ओली अहिले बिरामी छन् । दुनियाँ त्यही भन्छ । तर स्वयं ओली भने त्यो मान्न तयार छैनन् । दोस्रो पटक उपचारका लागि सिंगापुर जानुअघि उनलाई भेट्न पुगेका झापाली कार्यकर्तालाई भन्दै थिए :– “म १५ वर्ष अघि पो बिरामी थिएँ, अहिले छैन । यो सबै विरोधीहरुको हौवा मात्रै हो ।”
उनले त्यसो भनेको साता दिन नबित्दै मृगौला रोगले थलिएका ओली दोस्रो पटक सिंगापुरतिर उडे । मृगौलाले अत्यधिक एन्टीबडी उत्पादन गरेको भन्दै उपचार गर्नु पर्ने थियो । अहिले उनको उपचार धमाधम भइरहेको छ । संभवतः आज उनको उपचार पूरा होला । सिंगापुरस्थित नेशनल युनिभर्सिटी अस्पतालमा उनको उपचार भइरहेको छ ।
प्रधानमन्त्री बिरामी हुँदा देशै बिरामी हुँदो रहेछ । विगत एक महिनादेखि देश काम चलाउ रुपमा छ । ईश्वर पोखरेल कार्यबाहक प्रधानमन्त्री त छन् , तर सत्ताको साँचो भने अहिले पनि सिंगापुरमै छ । ओली भिडियो कन्फरेन्समार्फत सत्ताको लगाम तानिरहेका छन् । एक त उनी अरुलाई खासै विश्वास नगरिहाल्ने स्वभावका मानिस, त्यसमा पनि रोगले गाँजेको अवस्था । कतै सत्तामा अरुले ढलीमली गर्ने त होइनन् भन्ने पिरलोले ओलीलाई सताउने गरेको छ ।
प्रधानमन्त्रीको उपचारमा राज्यको कति खर्च भयो ? त्यसको लेखाजोखा अहिलेसम्म भएको छैन । न त सरकारले यसबारे स्पष्ट जानकारी दिएको छ, न नेपाल कम्युनिष्ट पार्टीले नै केही बोलेको छ । तर प्रधानमन्त्रीलाई भेट्न जानेको ताँती भने डरलाग्दो छ । देशका कहिलिएका उद्योगी व्यावसायी मात्र होइन उच्च पदस्थ र पार्टीका प्रभावशाली नेताहरु पनि सिंगापुर पुगेर प्रधानमन्त्रीलाई स्वास्थलाभको कामना गरिरहेका छन् ।
भोलि शुक्रबार उपचार पूरा गरी स्वदेश फर्कन लागेका प्रधानमन्त्रीलाई शुभकामना दिन नेकपा सचिवालय सदस्यद्वय वामदेव गौतम र विष्णुप्रसाद पौडेल सिंगापुर पुग्नु केवल संयोग मात्र हो भनेर धेरैलाई पत्याउन गाह्रो भइरहेको छ । यसभित्र राजनीतिक स्वार्थ र प्रभावले काम गरेको देख्नेहरु धेरै छन् । आउने दिनमा यसबारे पक्कै स्पष्ट हुने नै छ ।
प्रधानमन्त्री ओली आफ्ना विरोधीले दिएको स्वास्थलाभको शुभकामना समेत ग्रहण गर्न हत्तपत्त रुचाउँदैनन् । आफ्नै पार्टीका शीर्ष नेता माधवकुमार नेपालले दिएको शुभकामना उनले फर्काएको घटना धेरै पुरानो भएकै छैन । पछिल्लो पटक सिंगापुर उड्नुअघि उनको नेता नेपालसँग नराम्ररोसँग चर्काचर्की भयो । साथै नेपालले दिएको स्वास्थलाभको कामना उनले ठाडै अस्वीकार गरे । त्यसैले सिंगापुर गएर स्वास्थलाभको कामना गर्न पनि सबैका लागि ग्राह्य थिएन ।
प्रधानमन्त्री ओली उपचारसँगै राजनीतिक भ्रमणमा आफू निकटस्थलाई बोलाउन थालेपछि नेकपा भित्रै विभिन्न आशंका उत्पन्न भएको छ । एक दिनपछि स्वदेश फर्कने तयारीमा रहेका प्रधानमन्त्रीले आखिर किन र केका लागि वामदेव र विष्णु पौडेललाई सिंगापुर डाके त ? संशय फैलिएको छ । यसको जवाफ पनि आउने समय नेपाली जनताले अवश्य पाउने नै छन् ।
उता, प्रधानमन्त्रीको रोग र धपेडीप्रति प्रमुख प्रतिपक्षी दल कांग्रेसले सहानुभूति देखाएको छ । हिजो बुधबारको प्रतिनिधिसभा वैठकमा कांग्रेस नेता गगन थापाले ओलीप्रति अन्याय नगर्न नेकपालाई आग्रह गरे । बिरामी परेर थलिएका प्रधानमन्त्रीलाई धेरै कामको बोझ नथप्न उनले सुझाव दिएका छन् । गगनको सुझावलाई नेकपाले त कसरी लिन्छ थाहा भएन, तर स्वयं ओलीले भने पक्कै सकारात्मक रुपले लिने अवस्था छैन । एक त विरोधी त्यसमा पनि निस्कृय बस भन्ने सुझाव ओलीका लागि अगुल्टाले हानेको जस्तो हुने छ ।
उपचारका लागि लामो समय विदेशमा रहनु पर्ने हाम्रा प्रधानमन्त्रीलाई धेरै धपेडी नगराउन उनले सुझाव दिएका छन् । यसबाट देशको कूटनीतिक मर्यादा र राष्ट्रिय सुरक्षामा नै चुनौती थपिएको उनले बताए । हुन पनि टेलिप्रेजेन्समार्फत उनले दुई पटक मन्त्रिपरिषदको बैठक गर्दा नेपालको सुरक्षा संवेदनशीलतामा नराम्रो असर परेको भन्दै आलोचना भइरहेको छ । तर यस्तो आलोचनाले ओलीलाई छुने कुरै भएन । आराम गर्नु पर्ने अवस्थाका प्रधानमन्त्रीलाई नेकपाले धेरै काममा जोताएको भन्दै उनले अब विश्राम लिन सुझाव दिए ।
प्रधानमन्त्री ओली स्वदेश फर्किएपछि यसबारे पक्कै केही प्रतिक्रिया दिने नै छन्, त्यो पनि उखान टुक्का जोडेर । नेपाली जनताले ओलीको उखान टुक्का नसुनेको धेरै भयो । त्यो तलतल पनि अब मेटाउने गरी ओलीको बोली फुट्ने होला ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपप्रचण्ड सरकारलाई एक महिनाः काम चलाउन कि कमाउन ?
असार १८, २०८१ मंगलबार
एआईजी कि हबल्दार मेजर ?
असार १८, २०८१ मंगलबार
के देउवाले ओलीलाई सत्ताको साँचो सम्हाल्न आग्रह गरेका हुन ?
असार १६, २०८१ आइतबार
एआईजी कि हबल्दार मेजर ?
नेपालबहस संवाददाता
असार १८, २०८१ मंगलबार
सभापति देउवासँग अध्यक्ष नेपालको भेट
नेपालबहस संवाददाता
असार १८, २०८१ मंगलबार
सिंहदरबार पुगेर ओलीले प्रचण्डलाई सुनाए देउवाका कुरा
नेपालबहस संवाददाता
असार १६, २०८१ आइतबार
एआईजी कि हबल्दार मेजर ?
असार १८, २०८१ मंगलबार
सभापति देउवासँग अध्यक्ष नेपालको भेट
असार १८, २०८१ मंगलबार
सत्ता सजिलै नछाड्ने प्रधानमन्त्री प्रचण्डको संकेत, अब कसरी गठन हुन्छ नयाँ सरकार ?
असार १९, २०८१ बुधबार
सभापति रवि लामिछानेले बैठक लाइभ नगरी बोल्न रोकेको भन्दै महामन्त्री ढकालले टाले मुख
असार १९, २०८१ बुधबार
बीमा रकमको लोभमा आफ्नै पसल चोरीको अभिनय गर्ने सञ्चालकसहित ५ जना पक्राउ
असार १९, २०८१ बुधबार
रास्वपाको केन्द्रीय समिति बैठक शुरु, महामन्त्री ढकालको प्रतिवेदनमाथि छलफल हुँदै
असार १९, २०८१ बुधबार
सत्ता सजिलै नछाड्ने प्रधानमन्त्री प्रचण्डको संकेत, अब कसरी गठन हुन्छ नयाँ सरकार ?
असार १९, २०८१ बुधबार
कोलम्बिया र ब्राजिल कोपा अमेरिकाको क्वाटरफाइनलमा
असार १९, २०८१ बुधबार
युरोकपमा क्वाटरफाइनलको समीकरण पुरा
असार १९, २०८१ बुधबार