ड्रोन आक्रमणपछि साउदीमा दैनिक ५.७ ब्यारल तेल र ग्यास उत्पादनमा कटौती !

२९ भदौ, एजेन्सी । ड्रोन आक्रमणपछि साउदी अरेबियाले तेल र ग्यास उत्पादनमा ब्यापक कटौती गरेको छ । सरकारी स्वामित्वमा रहेका अरामकोकास्थित दुईवटा तेल कम्पनीमा ड्रोन आक्रमण भएपछि प्रतिदिन ५ दशमलव ७ मिलियन ब्यारल कटौती गरिएको हो ।

उक्त जानकारी साउदीका उर्जामन्त्री प्रिन्स अब्दुलाजीज बीन सलमानले दिएका हुन् । तेल कम्पनीमा भएको आक्रमणको जिम्मा यमनको हुथी विद्रोहीले लिएको छ । हुथीका प्रवक्ताले आक्रमणमा १० वटा ड्रोन प्रयोग भएको बताएका छन् ।

आक्रमण हुँदा तेल कम्पनी र प्रशोधन केन्द्रमा भीषण आगलागी भएको थियो । ऊर्जामन्त्रीका अनुसार आक्रमणका कारण कच्चा तेल उत्पादनमा प्रतिदिन ५७ लाख ब्यारेल कमी आएको छ।

यो साउदी अधिराज्यले कुल उत्पादन गर्ने परिमाणको झन्डै आधा हो। यमनस्थित हूथी विद्रोहीका एक प्रवक्ताले आक्रमणका लागि आफूहरूले १० वटा ड्रोन परिचालन गरेको बताएका छन्।