ओलीको फाँसीवादी चरित्र र अरिंगालको आक्रमण
नेपालबहस संवाददाता
असोज १३, २०७६ सोमबार २२:१३:२
सम्पादकीय
१३ असोज,काठमाडौं । देशमा कम्युनिष्ट नेतृत्वमा निर्मित अजंगको सरकार छ । संसद्मा उसको आकार बडेमानको छ , दुईतिहाई नै समर्थन छ । तर जनजीविकाको सवालमा भने प्रभावशून्य । दशैं तिहारको मुखमा उपभोक्ताले कहिल्यै नपाउने भुक्तमान खेप्नु परेको छ ।
जता हे¥यो अभाव र विकृत्ति छ । खुलेआम भ्रष्टाचार छ । मन परेकालाई क्याबिनेटबाटै निर्णय गराएर धनराशी बाँडिएको छ । उल्फाको धन फुपुको श्राद्ध जस्तो बनाइएको छ सत्ता । अर्कातिर सर्वसाधारण भने पुर्परोमा हात राखेर बस्न बाध्य छन् । बजार भाउ चरमचुलीमा छ । गृहणीको ओठतालु सुकेको छ । हजारको नोट लिएर जाँदा एक झोला तरकारी आउँदैन । तीन सय गुनाले महंगी बढेको छ । तर खड्गप्रसाद ओली सरकारलाई यतातिर कुनै चासो छैन । छ त केवल विरोधीको नली खुट्टा भाँच्ने आदेश दिने । ओली मात्र होइन, अर्का अध्यक्ष भनि खाएका पुष्पकमल दाहाल प्रचण्ड पनि विरोधीको प्रतिकार गर्न फरमान जारी गर्न बुर्लुक्क उफ्रँदै छन् । यसमा त उनी पहिल्यैदेखि पारंगत हुन् ।
कथित जनयुद्धका बेला विरोधीको जीउ ज्यान लिनु उनका लागि सामान्य थियो । त्यो बानी अहिले पनि गएको छैन । त्यसैले बेला बेला भन्ने गर्छन् – हाम्रा विरोधी सबै प्रतिगमनकारी हुन् , तिनका विरुद्ध बघिनी जसरी जाई लागौं । अर्कातिर ओली काम्रेड त विरोधीसँग अरिंगाल जस्तै धुरिएर आक्रमण गर्न आदेश नै दिइसकेका पात्र हुन् । अनि अरिंगाललाई पनि के खोज्छस् कानो , आँखा भने जस्तो हुने नै भो ।
अब प्रश्न उठ्छ – नेपाल कम्युनिष्ट पार्टीले यो देशमा कस्तो राजनीतिक संस्कार स्थापना गर्न लागेको हो ? यही शैलीमा अघि बढ्ने उसको सोच हो भने नागरिक प्रतिकारका लागि अब हतियार बोकेर सडकमा ओर्लनुको विकल्प रहने छैन । ओली प्रचण्डका भिजिलान्तेविरुद्ध प्रतिकारमा ओर्लन अन्य पार्टीले पनि कार्यकर्तालाई आह्वान गर्ने अवस्था आयो भने कस्तो होला ?
ओली सरकार सत्तामा आएपछि विरोधी विचार लगभग बर्जित गर्न खोजिएको छ । लोकतन्त्रको सबैभन्दा सुन्दर पक्ष भनेकै विरोध गर्न पाउने अभिव्यक्ति स्वतन्त्रतता हो । तर ओली सरकार प्रारम्भदेखि नै नागरिकको बोल्न र लेख्न पाउने हक कुण्ठित बनाउन उद्यत् छ । सरकार निकम्मा भयो भनेर खबरदारी गर्न नपाउने खालका नियम कानून नै बनाउन लागेको ओली सरकार सर्वत्र विरोध भएपछि हच्किएको छ । तर नियत उस्तै छ । विरोधी पत्रकारलाई निमिट्यान्न पार्न यस्ता कानून तर्जुमा गर्न लागिएको हो । तत्काल पत्रकार विरुद्ध कानून बनाउन नसक्ने भएपछि विरोधी स्वर तह लगाउन फाँसीवादी शैली अपनाउन सुरु भएको छ ।
गएको शनिबार चितवनको भरतपुरमा भ्रष्टाचारविरोधी अभियन्ताका रुपमा चिनिएका ज्ञानेन्द्र शाहीलाई ओली प्रचण्डका अरिंगालले माइक्रो बसमै पसेर भकुरे । प्रहरी प्रशासन मौन थियो । उल्टो प्रशासनलाई जानकारी नदिई आएकाले आक्रमण भएको भएको गैर जिम्मेवार जवाफ प्रहरीको रह्यो । नियम कानूनले बन्देज लगाउन नसक्ने भएपछि भौतिक आक्रमणमा नै उतारेको छ ओली सरकारले भिजिलान्तेहरु ।
यो क्रम यतिमै सीमित देखिएन । हिजो मात्रै प्रमुख प्रतिपक्षी दल नेपाली कांग्रेसका एकजना जिम्मेवार नेता, पूर्वमन्त्री समेत रहेका डा. मिनेन्द्र रिजालमाथि आक्रमणको प्रयास गरियो । तनहुँमा एउटा औपचारिक कार्यक्रममा डा. रिजालमाथि ओलीका अरिंगाल खनिएका थिए । यसबाट ओली सरकारको फाँसीवादी चरित्र उदांगो भएको छ ।
विचार नमिल्नेहरुलाई भौतिक रुपमै आक्रमण गर्न उक्साउने ओली प्रचण्ड शैली आफैंमा खेदजनक छ । विरोधीमाथि आक्रमणको क्रम गत महिना बाँकेमा कांग्रेस जिल्ला सभापतिको हात भाँचेर प्रारम्भ भएको हो । ती अपराधीको संरक्षण स्वयं ओली प्रचण्डको संयन्त्रले गरिरहेको छ । नेकपाका शीर्ष नेताकै यो असहिष्णु चरित्रले देश नयाँ मुठभेडमा प्रवेश गर्ने वातावरण तयार भइरहेको छ ।
अब प्रश्न उठ्छ – नेपाल कम्युनिष्ट पार्टीले यो देशमा कस्तो राजनीतिक संस्कार स्थापना गर्न लागेको हो ? यही शैलीमा अघि बढ्ने उसको सोच हो भने नागरिक प्रतिकारका लागि अब हतियार बोकेर सडकमा ओर्लनुको विकल्प रहने छैन । ओली प्रचण्डका भिजिलान्तेविरुद्ध प्रतिकारमा ओर्लन अन्य पार्टीले पनि कार्यकर्तालाई आह्वान गर्ने अवस्था आयो भने कस्तो होला ?
ओली प्रचण्डको यही शैली र व्यावहार रहने हो भने मुलुक नसोचेको मुठभेडमा प्रवेश गर्ने छ । दुई तिहाईको दम्भले मात्तिएको ओली प्रवृत्तिले नराम्रो परिस्थितिको सामना गर्नुपर्ने अवस्था नआउला भन्न सकिन्न । कस्ता कस्ता शक्ति भएकाहरुले समेत जनताको आक्रोश सामु घुँडा टेकेको इतिहास धेरै पुरानो भइसकेको छैन । विचार नमिल्नेहरुलाई भौतिक रुपमै आक्रमण गर्न उक्साउने ओली प्रचण्ड शैली आफैंमा खेदजनक छ । विरोधीमाथि आक्रमणको क्रम गत महिना बाँकेमा कांग्रेस जिल्ला सभापतिको हात भाँचेर प्रारम्भ भएको हो । ती अपराधीको संरक्षण स्वयं ओली प्रचण्डको संयन्त्रले गरिरहेको छ । नेकपाका शीर्ष नेताकै यो असहिष्णु चरित्रले देश नयाँ मुठभेडमा प्रवेश गर्ने वातावरण तयार भइरहेको छ ।
जनताले गरेको विश्वासलाई ओली सरकारले निरंकुश बन्ने लाइसेन्स दिएको अर्थमा बुझेको छ । दुईतिहाई समर्थन भनेको जीवनपर्यन्त शासन गर्ने लाइसेन्स हो भन्ने बुझाई ओलीमा विकास भएको देखिन्छ । त्यसैले उनी विपक्षीलाई त भुसुना बराबर पनि गन्दैनन् । एउटै पार्टीमा भएपनि मन नपर्नेको उनी शुभकामनासमेत ग्रहण गर्न रुची देखाउँदैनन् । ओलीमा बढेको यो अहंकारले देशमा पञ्चायतीकालको स्मरण गराइ दिएको छ । पञ्चायतमा समेत विरोधीलाई यत्तिको ज्यादति गर्न शासक हच्कन्थे । लोकतन्त्रको मौलिक पक्षका रुपमा रहेको अभिव्यक्ति स्वतन्त्रता नै निमिट्यान्न पार्ने ओली प्रचण्डको यो चालाले देशलाई नयाँ भुमरीमा फसाउँदै छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसहमतिका नाममा शीर्ष नेताको जात्रा हेरिनसक्नु छः घिमिरे
पुष २०, २०८० शुक्रबार
टिकटकमाथि प्रतिबन्धः भ्रम र यथार्थ
कात्तिक ३०, २०८० बिहिबार
संयुक्त राष्ट्रसंघमा नेपाल
कात्तिक १२, २०८० आइतबार
शरीरका यी चार अंगमा तेल लगाउनुहोस्, कुनै पनि रोग लाग्दैन !
नेपालबहस संवाददाता
बैशाख २२, २०८१ शनिबार
बस खोलामा खस्दा २० को मृत्यु, २१ जना घाइते
नेपालबहस संवाददाता
बैशाख २१, २०८१ शुक्रबार
चमेराहरू किन उल्टो झुण्डिएर सुत्छन् ?
नेपालबहस संवाददाता
बैशाख २२, २०८१ शनिबार
गर्मी मौसममा फ्रिजमा अण्डा राख्नु कत्तिको सही, जान्नुहोस् विज्ञानले के भन्छ ?
बैशाख २३, २०८१ आइतबार
डीभीको नतिजा सार्वजनिक, कसरी हेर्ने नतिजा ?
बैशाख २२, २०८१ शनिबार
सन्दीप लामिछानेको मुद्दा आज पनि हेर्न नमिल्नेमा
बैशाख २३, २०८१ आइतबार
अशोक राई नेतृत्वको विभाजित जसपामा कसलाई के जिम्मेवारी ?
बैशाख २३, २०८१ आइतबार
एक अर्ब बराबरको वैदेशिक रोजगार बचतपत्र निष्काशन हुँदै
बैशाख २३, २०८१ आइतबार
१०३ वर्षीया वृद्धा माजनी प्रजाले पाइन् नागरिकता
बैशाख २३, २०८१ आइतबार
काठमाडौं उपत्यकासहित पहाडी भूभागमा सामान्य वर्षा
बैशाख २३, २०८१ आइतबार
पञ्जावमाथि चेन्नई २८ रनले विजयी
बैशाख २३, २०८१ आइतबार
गण्डकीमा मुख्यमन्त्रीको विश्वासको मत विवादमा, फेरी अदालत जाँदै कांग्रेस
बैशाख २३, २०८१ आइतबार