माछापुच्छ्रे बैंकको संचालकमा सिग्देल नियुक्त

१४ कार्तिक, काठमाडौं । माछापुच्छ्रे बैंक लिमिटेडको गत कार्तिक ८ मा बसेको संचालक समितिको ४०८ औं बैठकले सर्वसाधारण शेयरधनीहरुका तर्फबाट रिक्त हुन गएको संचालक पदमा हरिभक्त सिग्देललाई नियुक्त गरेको छ ।

आगामी बार्षिक साधारण सभा सम्मको लागि उनलाई नियुक्त गरिएको बैंकले जानकारी दिएको छ । नवनियुक्त संचालक सिग्देलको सरकारी र प्राईभेट क्षेत्रमा निकै लामो अनुभव रहेको छ ।

बैकले पूर्वदेखि पश्चिमसाथै हिमालदेखि पहाड र तराईसम्म आफ्ना १४१ वटा शाखाहरु, १३१ शाखा रहित बैकिङ्ग सेवा, १ एक्सटेन्सन काउन्टर समेत गरी जम्मा २७३ स्थानमा रहेका सेवा सञ्जाल तथा १६५ वटा एटीएमहरु मार्फतबाट आफ्ना ग्राहकहरुलाई बंैकिङ्ग सुविधा प्रदान गरीरहेको छ ।