सन्दीपले आईपीएल क्रिकेट दिल्ली क्यापिटल्सबाटै खेल्ने

२९ कार्तिक काठमाडौं । नेपाली राष्ट्रिय क्रिकेट टिमका लेग स्पिनर सन्दीप लामिछानेले आगामी सिजनको इण्डियन प्रिमियर लिग ‘आईपीएल’ क्रिकेट दिल्ली क्यापिटल्सबाटै खेल्ने भएका छन् ।

दिल्लीले सन्दीपलाई आगामी सिजनका लागि रिटेन गरेको छ । दिल्लीले शुक्रबार सामाजिक संजालबाट सन्दीपसहित १४ खेलाडी रिटेन गरेको जनाएको छ । सन्दीपले यस अघि दुई सिजन दिल्लीबाट खेलिसकेका छन् । सन्दीपलाई २० लाख भारुमा दिल्लीले अनुबन्ध गरेको थियो । र, गत सिजन पनि दिल्लीले २० लाखमै रिटेन गरेको थियो ।

नेपालका ग्लोबल आइकन सन्दीपले आईपीएलको डेब्यु सिजन ५ विकेट लिएका थिए । दोस्रो सिजन सन्दीपले ६ खेलमा ८ विकेट लिएका थिए । दिल्लीले यस सिजनका लागि रविचन्द्र आश्विन र अज्निका रहानेलाई भित्र्याएको छ ।