अबैध रुपमा लुकाइछिपाइ राखेको भरुवा बन्दुक बरामद

३ मंसिर काठमाडौं । राष्ट्रिय प्रहरी प्रशिक्षण प्रतिष्ठान महाराजगंजको तत्वावधानमा प्रहरी प्रधान कार्यालय सवारी महाशाखामा संचालित २१औं समूहको हलुका सवारी चालक तालिम सोमबार सम्पन्न भएको छ ।

सोही महाशाखाका प्रमुख प्रहरी वरिष्ठ उपरीक्षक ई नरोत्तमलाल प्रधानले प्रशिक्षार्थीहरुलाई प्रमाणपत्र वितरण गर्दै दक्ष सवारी चालकहरुको कमिलाई परिपूर्ति गर्ने तथा नयाँ प्रविधियुक्त सवारी साधनहरुको बारेमा दक्षता अभिबृद्धि गर्ने उद्देश्यले तालिम संचालन गरिएको बताए ।

तालिममा सिकेका ज्ञान, सिप र दक्षतालाई आफ्नो कार्य क्षेत्रमा जिम्मेवारी पूर्वक र त्रुटि रहित ढंगबाट कार्य सम्पादन गर्न उनले प्रशिक्षार्थीहरुलाई निर्देशन समेत दिए । कार्यक्रममा तालिम सम्बन्धि प्रतिवेदन प्रस्तुत गर्दै प्रहरी नायब उपरीक्षक ई। कमलेन्द्रलाल कर्णले कूल ४५ कार्यदिन अवधि रहेको उक्त तालिममा ३४ जना प्रहरी जवानहरुको सहभागिता रहेको जानकारी दिए ।

सिन्धुलीको सुनकोसी गाउँपालिका-७ मझुवा बस्ने सुप्रिम लामाको गोठमा अबैध रुपमा लुकाइछिपाइ राखेको भरुवा बन्दुक १ थान सोमबार बिहान प्रहरीले बरामद गरेको छ ।

लामाको गोठमा भरुवा बन्दुक लुकाइ छिपाइ राखेको भन्ने सूचनाको आधारमा ईलाका प्रहरी कार्यालय खुर्कोटबाट खटिएको प्रहरीले तलासी गर्दा उक्त बन्दुक फेला पारी बरामद गरेको हो । यस सम्बन्धमा प्रहरीले थप अनुसन्धान गरिरहेको छ ।

ट्याक्टरले कुल्चँदा मृत्यु 
कास्कीको पोखरा महानगरपालिका-३२ गढीघाटस्थित सडकमा ग.१ त २८२८ नम्बरको ट्रयाक्टले कुल्चँदा सोही महानगरपालिका-३३ छपल्याङ्गट बस्ने ५ वर्षीय आकाश नेपालीको सोमबार बिहान घटनास्थलमै मृत्यु भएको छ । हाल फरार ट्याक्टर चालकको प्रहरीले खोजी गर्नुका साथै यस सम्बन्धमा आवश्यक अनुसन्धान गरिरहेको छ ।