उपनिर्वाचनले कांग्रेस पार्टीभित्र विश्वास बढ्यो : प्रवक्ता शर्मा [ भिडियोसहित ]

१६ मंसिर काठमाडौं । नेपाली कांग्रेसले मंसिर १४ गतेको उपनिर्वाचनले पहिले जितेको स्थानमा कतिपय वडाअध्यक्षको पद गुमाएर पनि महत्वपूर्ण उपलब्धि हासिल गरेको जनाएको छ ।

सोमबार पार्टी कार्यालयमा सानेपामा पत्रकार सम्मेलन गर्दै प्रवक्ता विश्‍वप्रकाश शर्माले उपनिर्वाचनले पार्टीभित्र विश्वास बढाएको समेत बताए । उनले निर्वाचन आचारसंहिता लागू गर्न सरकारले नसकेको र आफ्नो दललाई जिताउन लागिपरेको आरोप लगाए ।

शर्माले निवार्चित जनप्रतिनिधिलाई जनताले सुम्पिएको जिम्मेवारी नभूल्नको लागि पनि आग्रह गरेका छन् । उनले सरकारका लागि पनि उपनिर्वाचनबाट सन्देश आएको बताउँदै सरकारले ऐनाको धुलो पुछ्‍नु अगाडि अनुहारको धुलो पुछ्न आवश्‍यक रहेको बताए । उनले सरकारको अहिलेसम्मको कार्यशैली परिवर्तन गर्नुपर्ने सन्देश उपचुनावले दिएको दाबी गरेको गरे ।

पत्रकार सम्मेलनमा बोल्दै प्रवक्ता शर्मा भन्छन्, “कसैले नेपाली कांग्रेस कहाँ छ भनेर सोध्यो भने प्रचण्डको वडा र प्रधानमन्त्री केपी शर्मा ओलीको घर भएको ठाउँ भक्तपुरमा छ भनेर मिडियाकै साथीको अगाडि भन्न चाहान्छु ।”

कास्की र दाङमा राजनीतिक प्रभावभन्दा सहानुभूतिका मत संयोजन भएको भन्दै उनले बाग्लुङसहित तीनै क्षेत्रमा मतान्तर घटाएको उल्लेख गरे । कांग्रेसले एक गाउँपालिका अध्यक्ष, एक उपाध्यक्ष र केही वडाध्यक्ष गुमाएको भन्दै उनले यसको समीक्षा हुने बताए ।

पत्रकार सम्मेलन बोल्दै प्रवक्ता विश्‍वप्रकाश शर्मा :