बाजेका सेकुवाका संस्थापक भण्डारीको निधन, छोरा चेतनले दागबत्ती दिन पाएनन् !

२३ मंसिर, काठमाडौं । बाजेको सेकुवाका संस्थापक दिनानाथ भण्डारीको ७५ बर्षको उमेरमा निधन भएको छ । उच्च रक्तचाप र मधुमेहबाट पीडित भण्डारीको गत मंसिर ६ गते शुक्रबार हेम्स अस्पताल महाराजगञ्जमा निधन भएको थियो ।

उनलाई सोही दिन पशुपति आर्यघाटमा छोरी गीताले दागबत्ती दिएर अन्तेष्टि गरेकी थिइन । पशुपतिस्थित आर्यघाटको बिद्युतीय शवगृहमा स्वर्गीय भण्डारीको दाहसंस्कार गरिएको परिवारिक स्रोतले नेपालबहस डटकमलाई जानकारी दिएको छ ।

चार दशकदेखि सेकुवा पोलेर बाजेको सेकुवाको चर्चित ब्राण्ड बनाउन सफल भण्डारीको निधन भने गुपचुप रुपमा भएको छ । उनका एकमात्र छोरा चेतन भण्डारी भने आफ्ना बाबुलाई दागबत्ती दिन नेपाल आउन सकेनन् ।

अमेरिकामा रहेका चेतन प्रहरीको मोष्ट वाण्टेडको सुचीमा भएका कारण नेपाल आउन नसकेका हुन् । चर्चित ३३ किलो सुन प्रकरणमा चेतन गोरेसँगै मुछिएका छन् ।