सान्ना मरिन विश्वकै कान्छी प्रधानमन्त्री

२३ मंसिर,काठमाडौं । विश्वमै सर्वाधिक खुशी मुलुकको उपमा जित्न सफल फिनल्याण्डले अर्काे कीर्तिमान रच्ने भएको छ ।

फिनल्याण्डमा अब गठन हुने सरकारको नेतृत्व ३४ वर्षीया सान्ना मारिनले गर्दैछन् । विश्वकै सबैभन्दा कान्छी प्रधानमन्त्रीको इतिहास उनले रच्ने भएकी छन् । साथै सान्नाको नेतृत्वमा बन्ने गठबन्धन सरकारमा सबै दलबाट महिला नै सहभागी हुनेछन् ।यो पनि विश्व इतिहासमा पहिलो घटना हुँदैछ ।

राजनीतिक संकट गहिरिएपछि प्रधानमन्त्री आन्ती रिन्नेले पद त्याग गरेका छन् । उनको स्थानमा सोसलिस्ट डेमोक्रेटिक पार्टीले हालका यातायात मन्त्री सान्नालाई प्रधानमन्त्रीका लागि चयन गरेको हो ।

एक दुई दिनमै गठन हुने विश्वास गरिएको नयाँ सरकारमा पाँच वटा दलले गठबन्धन गरेका छन् । सबै दलले आफ्ना तर्फबाट महिला मन्त्री नै पठाउने समझदारी बनाएको बीबीसीले जनाएको छ ।

हाल युक्रेनका महिला प्रधानमन्त्री ओलेक्सी ओन्चेरुक ३५ वर्षकी छन् । यस्तै न्युजिल्याण्डका महिला प्रधानमन्त्री पदमा जेसिना अर्डना रहेकी छन् । उनको उमेर ३९ वर्षको रहेको छ ।