तराईका अधिकांश भू-भागमा हुस्सु, सर्तकता अपनाउन आग्रह

२ पुस काठमाडौं । शीतलहरका कारण पश्चिम तराईको जनजीवन प्रभावित भएको छ । मौसमविद् विभूति पोखरेलका अनुसार शीतलहरका कारण पश्चिम तराईका बढी प्रभावित बनेको छ । कैलाली, कञ्चनपुर, बाँके, बर्दिया, दाङ, कपिलवस्तु, रुपन्देहीलगायत ठाउँमा शीतलहर बढेको छ ।

यस्तै मध्य तराई र पूर्वी तराईका चितवन, पर्सा, बारा, रुपन्देही, सर्लाही धुनुषा, महोत्तरी, सप्तरी, सिराह, मोरङ, झापालगायतका केही ठाउँमा पनि शीतलहर देखिएको छ ।

यी जिल्लाका धेरैजसो ठाउँमा बाक्लो हुस्सु र कुहिरोसँगै पानीका थोपा नै झर्न थालेकाले शीतलहरको घोषणा गरेको मौसमविद् पोखरेलले बताए । उनका अनुसार एक दुई दिन यी क्षेत्रमा चिसो अझै बढ्ने सम्भावना छ ।

अबको २४ घण्टा पनि तराईका धेरैजसो ठाउँमा बाक्लो हुस्सु र कुहिरो लाग्ने र तापक्रम घट्ने भएकाले चिसो बढ्ने भन्दै मौसम पूर्वानुमान महाशाखाले विशेष बुलेटिन निकालेर सचेत पनि गराएको छ ।

घाम नलाग्ने र चिसो बढ्ने भएकाले त्यसबाट बच्न सबैलाई आग्रह गरेको छ । तराईसँगै पहाडी र हिमाली जिल्लामा पनि चिसो बढेको छ ।

हालको अवस्था )Present Weather Status):

हाल तराईका अधिकांश भू-भागमा हुस्सु/कुहिरो लागेको छ। साथै पश्चिमी पहाडी भू-भागका केही स्थानहरूमा समेत सामान्य हुस्सु/कुहिरो लागेको छ।

आगामी २४ घण्टाको लागि परामर्श

तराईका अधिकांश भुभागमा देखिएको कुहिरो भोलीसम्मनै रहिरहने देखिएको छ। साथै पश्चिमी तराईका एक-दुई स्थानहरूमा शितलहरको स्थिति देखिएको छ। राम्रो सँग घाम नलाग्ने भएकोले तापक्रममा गिरावट आइ चिसो बद्ने देखिन्छ। तसर्थ चिसोबाट बच्ने उपायहरु अपनाउनु हुन सबैमा अनुरोध छ।

पश्चिम तराई:- कैलालि, कन्चनपुर, बाँके, बर्दिया, दाङ, कपिलवस्तु, रुपन्देहि, नवलपुर मध्य तराई:- चितवन, पर्सा, बारा, रुपन्देहि, सर्लाहि, धनुषा, परासि पूर्व तराई:- महोत्तरि, सिरहा, सप्तरि, सुनसरि मोरङ, झापा