नेपाललाई वालिङ जस्तो बनाऔ : अनिल केशरी शाह

१० माघ काठमाडौं । नबिल बैंक प्रमुख कार्यकारी अधिकृत अनिल केशरी शाहले नेपाललाई वालिङ जस्तै बनाउनु पर्ने बताउका छन् ।

स्याङ्जाको वालिङमा वण्डरफूल वालिङले “पहिला देश अनि मात्र विदेश” भन्ने नाराका साथ सञ्चालन गरिरहेको पर्यटन मेला २०७६ को अवसरमा अन्तरक्रिया कार्यक्रममा बोल्दै अधिकृत शाहले वालिङले विकासलाई पहिलो प्रथामकितामा राखेर काम गरेको भन्दै सबै क्षेत्रले वालिङबाट धेरै कुरा सिक्नु पर्ने र वालिङ जस्तै बनाउनु पर्नेमा जोड दिए ।

अधिकृत शाहले आफुहरु वालिङ्मा विकास गर्न आएको भन्दै त्यसको लागि वालिङको सहयोग चाहिएको बताए । वालिङ नेपाल जस्तै बन्छ कि भन्ने डर छ तर त्यसो नहोस भन्दै शाहले नेपालका उद्योगपतिहरु वालिङमा ल्याएर अन्तरक्रिया गर्न सकेमा यहाँको विकासको लागि थप सहयोग पुग्ने विश्वास ब्यक्त गरे ।