धेरै पछि आयो हाईड्रोपावरको दिन, आजको बजार बिश्लेषणले के देखायो ?

माघ २०, काठमान्डौं । निरन्तर आक्रामक रुपमा वृद्धि भएको बजार आज भने केही रोकिएको छ । बजार सामान्य २ दशमवल ४९ अंकले वृद्धि हुँदै १३४९ दशमलव १३ को विन्दुमा बन्द भएको छ । दोश्रो बजार शुन्य दशमलव १८ प्रतिशतले वृद्धि हुँदा १७७ कम्पनीहरुको १ अर्ब ६१ करोड बराबरको शेयर खरिद बिक्री भएका छन् ।

आज हाईड्रोपावर उपसुचकमा सर्वाधिक ४ दशमलव ८२ प्रतिशतको वृद्धि देखिएको छ भने होटल उपसुचकमा सर्वाधिक शुन्य दशमवल ८३ प्रतिशतको गिरावट देखिएको छ ।

आज बजार १३४७ दशमलव ८४ को विन्दुमा खुलेकोमा ११ बजेर १८ मिनेटमा १३५५ दशमलव २८ को उच्च विन्दु सम्म पुगेको थियो । त्यस्तै आज बजारले ११ बजेर ५५ मिनेटमा १३३९ दशमलव ६१ को न्यून विन्दु समातेको थियो । बजारमा पहिलो घण्टा करेक्सन भएको अनुभुती भएको थियो । केही दिन यताआक्रामक वृद्धि भएको बजारमा यस प्रकारले सामान्य करेक्सन आउनु स्वाभाविक रहेको जानकार बताउछन ।

आज नेको इन्स्योरेन्सको शेयर सर्वाधिक ६ करोड ५६ लाखको खरिद बिक्री भएको छ भने गरिमा विकास बैंकको शेयर मूल्य सर्वाधिक ९ दशमलव ३६ प्रतिशतले वृद्धि भएको छ त्यस्तै मल्टिपर्पोस फाईनान्सको शेयर मूल्य सर्वाधिक ५ दशमलव २२ प्रतिशतले घटेको छ ।

हेरौ आज सर्वाधिक कारोवार हुने, कमाउने र गुमाउने कम्पनीहरु:

प्राविधिक बिश्लेषण :

मुख्य प्रतिरोध : १३६० पहिलो टेवा : १३४०

• आज पनि नेप्सेले मुख्य प्रतिरोधलाई सामना गरेको छ। आज नेप्से परिसूचक १३४९ दशमलब १३ को बिन्दुमा बन्द भएको छ ।
• आजको कारोबारले “डोजी” मैनबत्तीको चित्र बनाएको छ । यसले बजारमा आपूर्ती र माग लगभग बराबर भएको जानकारी गराउँदछ ।
• दैनिकी अवधिमा “आरएसआई” ७२ दशमलब ९३ को बिन्दुमा छ । आरएसआईको प्रवृत्तिले बजारमा शेयर बढी खरिद भएको जानकारी गरेको छ ।
• “एडिएक्स” तथा जोड र बिजोड “डाइरेक्सनल इन्डेक्स”हरुले क्रेताको चाप हुन थालेको जनाएको छ ।
• “अन ब्यालेन्स भल्यूम” ले बजारमा खरिदकर्ताको चाप रहेको जानकारी गराएको छ ।
• नेप्से बढेमा मुख्य प्रतिरोध १३६० को क्षेत्रमा पाउने देखिन्छ र घटेमा पहिलो टेवा १३४० को क्षेत्रमा पाउने देखिन्छ ।