भ्रमणबर्षको प्रचारप्रसार गर्दै जापानमा विद्यार्थीको पदयात्रा

२१ माघ काठमाडौं । जापान पढ्न गएका नेपाली बिद्यार्थीहरुले भ्रमण बर्षको प्रचारप्रसार गर्दै आइतबार जापानमा पद यात्रा गरेका छन् ।

नेपाली राजदुतावासको आयोजना र गैरआवासीय नेपाली संघ जापानको सहकार्यमा जापानमा रहेका करिब ७० जना नेपाली बिद्यार्थीहरुको उपस्थितमा नेपाल भ्रमण बर्ष लेखिएको ब्यानर सहित यात्रा गरिएको थियो ।

बिश्वकै लामो जेब्रा क्रसिङ रहेको जापानको अतिनै ब्यस्त शहर टोकीयोको सिखिम भन्ने ठाउँमा करिब दुई किलोमिटर जति नेपाली भ्रमण बर्ष लेखिएका टिसर्ट, ब्यानर, नेपाली झण्डा सहित बिद्यार्थीको पदयात्रा रहेको थियो ।

जापानमा रहेका विभिन्न संघसस्थाहरुले भ्रमण बर्षको नाममा विभिन्न कार्यक्रमहरु गरेको भएपनि बिद्यार्थीको क्षेत्रबाट खासै कार्यक्रम हुन नसकेको हुँदा नितान्त बिद्यार्थीहरुको उपस्तिथिमा कार्यक्रम गरिएको गैरआवासीय नेपाली संघ जापानका अध्यक्ष देवीलाल भण्डारीले जानकारी दिए ।

जापानीज सस्था आईएचएनओ र गैर आवासीय नेपाली संघ जापानको सहकार्यमा जापानमा रहेका एक सय जना नेपाली बिद्यार्थीहरुलाई हरेक बर्ष तीस हजार नेपाली रुपैया छात्रवृत्ति दिदै आएको पनि अध्यक्ष भण्डारीले जानकारी दिए ।