ईण्ट्राडे हाईमा बन्द भएको बजारमा खरिदकर्ता आक्रामक भएकै हुन त ?

२२ माघ, काठमान्डौ । अन्तिम ४५ मिनेट खरिदकर्ताहरु आक्रामक देखिँदा दोश्रो बजार परिसुचक नेप्से ५ दशमलव ३१ अंकले वृद्धि हुँदै १३४२ दशमलव ३६ को विन्दुमा बन्द भएको छ । कारोवार रकम भने सामान्य घट्दै १ अर्ब ८ करोड पुगेको छ । बजार परिसूचक नेप्से शुन्य दशमलव ४० प्रतिशतले वृद्धि भएको छ ।

आज बजार १३३८ दशमलव ५१ को विन्दुमा खुलेकोमा २ बजेर ५४ मिनेटमा १३४२ दशमलव ६३ को उच्च विन्दुसम्म पुगेको थियो भने १२ बजेर ३६ मिनेटमा १३३५ दशमलव ७३ को न्यून विन्दुसम्म पुगेको थियो ।

यसरी बजारको उच्च विन्दु र बन्द विन्दु एउटै जस्तो रहेकोमा यसलाई प्राविधिक भाषामा “ईण्ट्राडे हाई” भनिन्छ । यस प्रकारको प्रवित्तिलाई राम्रो मानिन्छ ।

बजारलाई ड्राईभ गर्ने वाणिज्य बैंकको उपसुचकमा शुन्य दशमलव ३३ प्रतिशतको वृद्धिसंगै समस्त बजारलाई नै सकारात्मक असर पुगेको छ। ट्रेडिङ्ग उपसुचकमा सर्वाधिक ३ दशमलव ६१ प्रतिशतको वृद्धि देखिएको छ ।

सिभिल बैंकको शेयर सर्वाधिक कारोवार हुँदा सपोर्ट माईक्रोफाईनान्सका शेयरधनीले सर्वाधिक कमाउँदा नेशनल हाईड्रोपावरका शेयरधनीले सर्वाधिक गुमाए ।

हेरौ आज सर्वाधिक कारोवार हुने, कमाउने र गुमाउने कम्पनीहरु :

प्राविधिक बिश्लेषण :

पहिलो प्रतिरोध : १३४५ पहिलो टेवा : १३३३

• आज नेप्सेमा उतारचडाब कम रहेको छ। कारोबार रकम पनि घटेको छ । कम उतारचडाब रहेको बजारमा कम कारोबार हुनु सामान्य मानिन्छ ।
• आजको कारोबारले निश्चित रुपमा मैनबत्तीको चित्र बनाएको देखिन्दैन ।
• दैनिकी अवधिमा “आरएसआई” ६९ दशमलब ०५ को बिन्दुमा छ । आरएसआईको प्रवृत्तिले बजारमा खरिदकर्ताको चाप कमजोर भएको जानकारी गरेको छ ।
• “एडिएक्स”ले क्रेताको चाप कमजोर भएको जानकारी दिएको छ भने जोड र बिजोड “डाइरेक्सनल इन्डेक्स”हरुले निश्चित दिशा तय गरेको देखिन्दैन ।
• “अन ब्यालेन्स भल्यूम” ले बजार हालसम्म सामान्य रहेको जानकारी गराएको छ । नेप्से बढेमा पहिलो प्रतिरोध १३४५ को क्षेत्रमा पाउने देखिन्छ र घटेमा पहिलो सामान्य टेवा १३३३ को क्षेत्रमा पाउने देखिन्छ ।