कानुन मन्त्रालयको जिम्मेवारी शिवमायालाई दिने तयारी

५ फागुन, काठमाडौं । सभामुख बन्ने दौड पछि निवर्तमान उपसभामुख शिवमाया तुम्बाहाङ्फे कानूनमन्त्री बन्ने भएकी छिन् । सभामुख पदबाट राजीनामा दिने विषयमा विवाद चलिरहँदा तुम्बाहाङ्फले उपसभामुख पद मन्त्री पदका लागि नसाट्ने बताउँदै आएकी थिइन् । तर लामो समयको विवादपछि उनले अन्ततः राजीनामा दिएपछि वतर्तमान सभामुख अग्निप्रसाद सापकोटा साे पदमा निर्वाचित भएका थिए ।

बाल्वाटार स्रोतका अनुसार तुम्बाहाङ्फेले आज कानून मन्त्रीको शपथ लिने तयारी थलिएको छ । उपेन्द्र यादवको वहिर्गमनपछि रिक्त रहेको कानून मन्त्रालयको जिम्मेवारी स्वास्थ्य मन्त्री भानुभक्त ढकालले सम्हाल्दै आएका छन् । समाजवादी पार्टीले सरकार छाडेपछि कानून मन्त्रालयसँगै सहरी विकास मन्त्रालय पनि खाली छ । कानून मन्त्रालय पूर्वएमालेले पाएको छ ।