सञ्चारमन्त्री बाँस्कोटालाई तत्काल बर्खास्त गरि अनुसन्धान गर्न कांग्रेसको माग

८ फाल्गुण, काठमाडौं । सञ्चार तथा सूचना प्रविधिमन्त्री गोकुल बाँस्कोटाले सेक्युरिटी प्रिन्टिङ प्रेस खरिदमा घुस मागेको अडियो सार्वजनिक भएपछि प्रमुख प्रतिपक्ष नेपाली कांग्रेसले उनलाई तत्काल बर्खास्त गरेर अनुसन्धान थाल्न प्रधानमन्त्रीसँग आग्रह गरेको छ ।

बिहीबार बिहान कांग्रेस प्रवक्ता विश्वप्रकाश शर्माले एक विज्ञप्ति प्रकाशित गरी सेक्युरिटी प्रिन्टिङ खरिद तयारीसँगै ठूलो रकम अनियमितता तयारी भइरहेको थियो भन्ने अनुमानित विवरण यसअघि नै सार्वजनिक भएका थिए । तर स्वयं सञ्चारमन्त्रीले कमिसनका लागि बार्गेनिङ गरेको अडियो सार्वजनिक भएपश्चात यो अनुमान बलियो ढंगले प्रमाणित भएको दावी गरिएको छ ।

सञ्चारमाध्यामहरुले बिगतमा आशंका गरेको अर्बौ रकमको अनियमिततालाई सो अडियोले बलियोसँग प्रमाणित गरेको भन्दै मन्त्री बाँस्कोटालाई बर्खास्त गरेर अनुसन्धान गर्न अहिले चौर्तफी माग बढेको छ ।

‘७० करोड कमिसन मागेको अडियो नै सार्वजनिक भैसकेको अवस्थामा निजलाई तत्काल बर्खास्त गर्न र निष्पक्ष छानबिन प्रक्रियालाई सघाउन नेपाली कांग्रेस सम्माननीय प्रधानमन्त्री केपी शर्मा ओलीलाई सार्वजनिक आग्रह गर्दछ ।’ विज्ञप्तिमा अगाडि भनिएको छ ।

कांग्रेस प्रवक्ता विश्वप्रकाश शर्माद्धारा जारी विज्ञप्ति जस्ताको तस्तै :-