राजीनामा देउ ओली

सम्पादकीय

९ फागुन, काठमाडौं । एकदशक अघिसम्म पत्रकारिता क्षेत्रमा सक्रिय गोकुलप्रसाद बाँस्कोटाको पछिल्लो हैसियत बडेमानको नेतामा रुपान्तरण भइसकेको थियो । कतिपयलाई लागेको थियो – नेकपा अध्यक्षसमेत रहेका प्रधानमन्त्री खड्गप्रसाद ओलीका राजनीतिक उत्तराधिकारी नै कतै गोकुल पो हुने त हैनन् ।

हुन पनि ओलीका सबैभन्दा विश्वासपात्रका रुपमा गोकुल देखिएका थिए । विश्वास यति थियो कि ओलीले आफ्नो निजी निवास कुर्ने जिम्मासमेत उनलाई नै दिएका छन् । यस अवधिमा ओलीले गोकुललाई सञ्चार तथा सूचना प्रविधि मन्त्रीको जिम्मेवारी दिए । यो धेरै वरिष्ठ नेताहरुलाई पचेको थिएन । तर ओलीको निर्णयका अगाडि सबै चूपचाप । एक महिना अघि संघीय समाजवादी पार्टी सरकारबाट बाहिरिएपछि रिक्त रहेको शहरी विकास मन्त्रालय समेत ओलीले तिनै गोकुललाई थपिदिए । जसले गर्दा गोकुल एकाएक ठूला नेताको हैसियतमा दरिए ।

सेक्युरिटी प्रेस खरिद प्रकरणमा गोकुललाई राजीनामा गराएपछि यो प्रकरण समाप्त हुन्छ भन्ने बुझाई प्रधानमन्त्री ओलीको रह्यो । तर यो प्रकरणमा गोकुलले स्वयं ओलीलाई नराम्ररी फसाई दिएको प्रसंग चाहिं बुझेनन् वा बुझ्ने चेष्टा गरेनन् । राजीनामा दिएपछि राजनीतिक परिवेश दुरुस्त हुन्छ भन्ने ओलीको सोच विस्तारै महंगो बन्दै छ । यो प्रकरणले ओलीलाई चौतर्फी घेराबन्दीमा पारिरहेको छ । प्रमुख प्रतिपक्षी नेपाली कांग्रेसले यो प्रकरणमा सत्यतथ्य छानविन गरी दोषी उपर कारबाही गरियोस् भन्दै संसद् अधिवेशन अवरुद्ध गर्दै छ ।

तर कुनैपनि चीज जुन रफ्तारमा जान्छ, त्यही रफ्तारमा फर्कन्छ भन्ने न्यूटनको सिद्धान्त यहाँ लागू भयो । एकदशकको अवधिमा गोकुलको चुलिएको व्यक्तित्व त्यही स्वरुपमा सिद्धिएको छ । सेक्युरिटी प्रेस खरिद प्रकरणमा ७० करोड रुपियाँको मोलमोलाई गरेकाे श्रव्य सञ्चारमाध्यममा डंढेलो झैं सल्किएपछि गोकुलको गोकुलधाम नै हल्लियो । अनि तासको घर झैं गल्र्याम्मै ठल्यो । उनी फेरि पुरानै ‘गोकुले’को हैसियतमा आइपुगेका छन् । यो प्रकरण सार्वजनिक भएपछि पदबाट राजीनामा दिएर मात्रै उन्मुक्ति पाउने अवस्थासमेत रहेन । थप छानविन हुने त स्वभाविकै हो । सँगसँगै आफ्नै राजनीतिक गुरुबा ओलीको नियतसमेत उदांगो बनाइदिएका छन् । जसले गर्दा ओलीको छटपटी बढको छ ।

सेक्युरिटी प्रेस खरिद प्रकरणमा गोकुललाई राजीनामा गराएपछि यो प्रकरण समाप्त हुन्छ भन्ने बुझाई प्रधानमन्त्री ओलीको रह्यो । तर यो प्रकरणमा गोकुलले स्वयं ओलीलाई नराम्ररी फसाई दिएको प्रसंग चाहिं बुझेनन् वा बुझ्ने चेष्टा गरेनन् । राजीनामा दिएपछि राजनीतिक परिवेश दुरुस्त हुन्छ भन्ने ओलीको सोच विस्तारै महंगो बन्दै छ । यो प्रकरणले ओलीलाई चौतर्फी घेराबन्दीमा पारिरहेको छ । प्रमुख प्रतिपक्षी नेपाली कांग्रेसले यो प्रकरणमा सत्यतथ्य छानविन गरी दोषी उपर कारबाही गरियोस् भन्दै संसद् अधिवेशन अवरुद्ध गर्दै छ । प्रतिपक्षी मात्र होइन, सत्तापक्ष मै भूसको आगो सल्किएको छ ।

बाहिर धेरै बोल्न नमिलेपनि यो प्रकरणले शीर निहुरिएको चर्चा नेता कार्यकर्ता तहमा जमेर हुने गरेको छ । त्यसैले यो प्रकरणलाई ठूलै मुद्धा बनाइनु पर्छ भन्ने कोठे बैठक झाँग्गिने क्रममा छ । पार्टीको साख जोगाउने हो भने यो प्रकरणमा निर्मम हुनुपर्ने भावना र धारणा धेरैमा रहेको छ । यसबारे बालुवाटारले राम्रो जानकारी पाएको छ । त्यसैले नयाँ रणनीति बनाएर जानुपर्ने पक्षमा बालुवाटार गृहकार्य गरिरहेको देखिन्छ ।

ओलीले राम्रैगरी बुझिसकेका छन् अब यो प्रकरणले नयाँ आकार लिने र आफैंलाई आक्रमण हुने छ । पार्टी भित्र पनि उनै गोकुलका कारण धेरैको चित्त दुखाएका छन् ओलीले । त्यो सबै भडास यही प्रकरणमा छताछुल्ल हुने ओलीले देखिसकेका छन् । धर्मपुत्रका रुपमा रहेका गोकुलको राजनीतिक भविष्य त सकिने देखियो नै ।

प्रधानमन्त्री ओली ७० करोडको घूस मोलमोलाई प्रकरणमा प्रत्यक्ष जोडिन पुगेका छन् । स्वीस कम्पनीका नेपाली दलाल विजयप्रकाश मिश्रसँग घूसको मोलमोलाई गर्दै गोकुलले हामीलाई कति आउँछ भनेर सोध्नु नै ओलीको संलग्नताको बलियो प्रमाण हो । हामी भन्ने शव्दले प्रधानमन्त्री वा पार्टीको संग्लङता भन्ने बुझ्न सहज बनाइ दिएको छ । अर्काे गम्भिर पक्ष भनेको यो प्रकरण प्रधानमन्त्रीलाई धेरै पहिल्यै थाहा थियो । आरोपी मिश्रले सार्वजनिक रुपमै भनेका छन्, गोकुलसँगको वार्तालापको उक्त टेप दुई महिना अगाडि नै प्रधानमन्त्री ओलीलाई दिइसकेको हो । ओलीले सबै हेरे पनि गोकुललाई कुनै कारबाही गरेनन्, बरु पुरष्कृत गरे । यसको स्पष्ट सन्देश होः– यो प्रकरणमा ओली स्वयं संलग्न छन् ।

यो तर्कलाई पुष्टी गर्ने अर्काे आधार भनेको ओलीले भर्खरै मात्र पनि गोकुललाई देशकै सबैभन्दा नैतिकवान नेताका रुपमा प्रस्तुति रहेको छ । चार दिन अघि मात्रै काभ्रेको धुलिखेलमा आयोजित एक कार्यक्रममा ओलीले गोकुलको मुक्तकण्ठले तारिफ गरेका हुन् । ओलीले भनेका थिए :–राजनीतिक तुलोमा जोख्दा अरु एकातिर गोकुल एकातिर । यसैबाट पनि प्रधानमन्त्री ओलीको भ्रष्ट र भ्र्ष्टाचारप्रतिको सच्चा दृष्टिकोण छर्लङ्ग हुन्छ ।

ओलीले राम्रैगरी बुझिसकेका छन् अब यो प्रकरणले नयाँ आकार लिने र आफैंलाई आक्रमण हुने छ । पार्टी भित्र पनि उनै गोकुलका कारण धेरैको चित्त दुखाएका छन् ओलीले । त्यो सबै भडास यही प्रकरणमा छताछुल्ल हुने ओलीले देखिसकेका छन् । धर्मपुत्रका रुपमा रहेका गोकुलको राजनीतिक भविष्य त सकिने देखियो नै ।

साथै यही प्रकरणबाट आफ्नो समेत पद धरापमा पर्ने बुझाई ओलीको रह्यो । हिजो राति अबेरसम्म यस विषयमा उनले आफू निकट नेताहरुसँग छलफल गरेका थिए । ७० करोड घूसकाण्डले आफूलाई समेत तान्न सक्ने बलियो संभावना देखेपछि उनको रणनीति फेरिएको छ । अब अर्का अध्यक्ष पुष्पकमल दाहाल प्रचण्डको साथ नपाउने हो घेराबन्दीमा पर्ने ठम्याई उनी पक्षको रहेको छ ।

पार्टीभित्र प्रचण्डलाई मिलाएर यो काण्ड थामथुम पार्न खोजेपनि उनको संलग्नता प्रत्यक्ष रुपमा देखिएको छ । दुई महिना अगाडि नै जानकारीमा आइसकेको विषयलाई उनले दवाउन खोजेकै हो । त्यसको मतलव स्पष्ट छ, उनी पनि यो प्रकरणमा कुनै न कुनै रुपमा संलग्न छन् । उनले गोकुललाई राजीनामा गराएकै भरमा यसबाट उन्मुक्ति पाउने कुरै छैन ।

पूर्व एमाले नेता माधवकुमार नेपाल, झलनाथ खनाल मात्र नभई वामदेव गौतमसमेत ओलीको कटु आलोचक रहेको ओलीलाई भलिभाँती ज्ञात छ । यो अवस्थामा कसरी अघि बढ्ने भन्नेबारे साँझ लामै छलफल हुँदा प्रचण्डको साथ लिएर अगाडि बढ्नुपर्ने निश्कर्ष निकालिएको छ । सोही बमोजिम आज बिहानै ओलीले प्रचण्डलाई बालुवाटार बोलाएर छलफल गरेका छन् ।

बालुवाटार स्रोत भन्छ– प्रधानमन्त्री ओलीले अब अर्का अध्यक्ष प्रचण्डको साथ नलिई उपाय छैन । त्यसका लागि भर्खरै अदालतबाट सफाई पाएका पूर्व सभामुख कृष्णबहादुर महरालाई जिम्मेवारी दिने तयारी भएको छ । त्यसवापत ७० करोड घूस प्रकरणलाई धेरै नचर्काउने र यो विषयमा कुरा उठे प्रचण्डले साथ दिने शर्त राखिएको छ ।

अब मुलुकका हरेक क्षेत्र, बर्ग र तप्काबाट ओलीको राजीनामा मागिनु पर्छ । साँच्चै यो देशबाट भ्रष्टाचारको अन्त्य गर्ने हो भने त्यसको सुरुआत ओलीबाटै अनुसन्धान गरेर थाल्नुपर्छ । साथै ओली भ्रष्टाचार विरोधी हुन् भने उनका सन्दर्भमा प्रश्न उठिसकेपछि राजीनामा गरेर बाटो सहज बनाइ दिनुपर्ने हो ।

प्रधानमन्त्री ओली अब सबैतिरबाट घेराबन्दीमा परेको अनुभूति गरेसँगै उनको छटपटी पनि बढेको छ । पार्टीभित्र प्रचण्डलाई मिलाएर यो काण्ड थामथुम पार्न खोजेपनि उनको संलग्नता प्रत्यक्ष रुपमा देखिएको छ । दुई महिना अगाडि नै जानकारीमा आइसकेको विषयलाई उनले दवाउन खोजेकै हो । त्यसको मतलव स्पष्ट छ, उनी पनि यो प्रकरणमा कुनै न कुनै रुपमा संलग्न छन् । उनले गोकुललाई राजीनामा गराएकै भरमा यसबाट उन्मुक्ति पाउने कुरै छैन । जब उनीमााथि नै प्रश्न उठेको छ भने सत्यतथ्य पत्ता लगाउन मार्ग प्रसस्त गर्नु चाहिं लोकतन्त्रको सौन्दर्य हो ।

प्रधानमन्त्रीको जानकारीमा रहेको विषयलाई दबाउन खोज्नु भनेको अझै ठूलो भ्रष्टाचार हो, त्यसैले ओृलीले तत्कालै राजीनामा दिएर यो प्रकरणलाई जनता माझ स्पष्ट गर्ने मौका दिनै पर्छ । यो आवाज अब सम्पूर्ण मुलुकले उठाउनु पर्ने अवस्था छ । न केवल नेपाली कांग्रेस स्वयं नेकपाका नेता कार्यकर्ताले समेत ओलीको नक्कली भ्रष्टाचार विरोधी अनुहार हेर्न जरुरी छ । गोकुल प्रकरण त एउटा प्रतिनिधि घटना मात्र हो । यस्ता दर्जनौं प्रकरणमा प्रधानमन्त्री ओलीको संलग्नताको प्रश्न विगतमा पनि उठेकै हो ।

यति होल्डिङ्स प्रकरणमा त अझै ठूला घोटला भएका कुरा आम सञ्चारमाध्यममा पटक पटक उठिसकेका हुन् । त्यसैले प्रचण्डको साथ लिएर यो मामला रफादफा गर्छु् भन्ने ओलीको सोच नै राजनीतिक रुपमा हुने अर्काे अपराध हो । ओलीका हरेक पक्ष दोहाेरो हुन्छन् । सत्तामा आउन उनी जस्तो सुकै नाटक मञ्चन गर्न तयार हुन्छन् । विगतमा भारतले लगाएको नाकाबन्दीका बेला उनले देखाएको नक्कली राष्ट्रबादी मुकु०डाे उघारिन धेरै समय लागेन । आइफा र तरकारी फलफुलमा विषादी परिक्षण काण्डबाट उनको सक्कली अनुहार नेपाली जनताले राम्रै गरी देखे ।

साथै, उनको भ्रष्टाचार विरोधी उनको नारा पनि अब जनताबीच उदाङ्गो हुँदैछ । ओली यो मुलुकको भ्रष्टाचार शीरोमणि हुन् भन्ने कुरा विस्तारै स्पष्ट भइरहेको छ । गोकुललाई बचाउने मात्र नभई आफ्नो पोल नखुलोस् भन्ने उनको चाहनाले साकार रुप धारण गर्न सहज छैन ।

त्यसैले अब मुलुकका हरेक क्षेत्र, बर्ग र तप्काबाट ओलीको राजीनामा मागिनु पर्छ । साँच्चै यो देशबाट भ्रष्टाचारको अन्त्य गर्ने हो भने त्यसको सुरुआत ओलीबाटै अनुसन्धान गरेर थाल्नुपर्छ । साथै ओली भ्रष्टाचार विरोधी हुन् भने उनका सन्दर्भमा प्रश्न उठिसकेपछि राजीनामा गरेर बाटो सहज बनाइ दिनुपर्ने हो । नेपाली कांग्रेसले अब आफ्नो एक सूत्रीय अभियानका रुपमा यो माग र मुद्धालाई बोक्नु पर्छ । अनि मात्र देशमा भ्रष्टाचार न्यूनीकरणमा थोरै भएपनि बल पुग्ला ।