नेपाल प्रहरीको एआईजीमा लम्साल, थापा र पालकाे बढुवा सिफारिस

१५ फाल्गुण, काठमाडौं । बहुप्रतिक्षित नेपाल प्रहरीका रिक्त तीन एआईजी पदमा क्रमश तारणीप्रसाद लम्साल, शैलेश थापा क्षेत्री र हरिबहादुर पाललाई गुह मन्त्रालयले बढुवा सिफारिसको निर्णय गरेको छ ।

गृहमन्त्रालय अन्तर्गतको बढुवा समितिले नेपाल प्रहरीमा रिक्त तीन प्रहरी एआईजीको लागि तीन प्रहरी डीआईजीको नाम सिफारिस गरेको छ । डीआईजीहरु लम्साल, थापा र पाललाई एआईजीमा बढुवाको लागि सिफारिस गरिएको हो डीआईजीको वरियतामा पहिलो, दोश्रो र तेस्रो नम्बरमा रहेका उनीहरुलाई सोही बरियता अनुसार एआईजी बढुवाको लागि सिफारिस गरिएको छ ।

रिक्त तीन पदका लागि एकै समय बढुवा भएका ६ जना र केही समय अघि बढुवा भएका एक गरि सात जना एआईजीको प्रतिस्पर्धामा थिए । निकै रस्साकस्सीका बीच वरिष्ठतालाई ख्याल गर्दै सरकारले यो निर्णय गरेको हो । सरकारको यो निर्णयपछि भावी आईजीपीको दौडमा शैलेश थापा क्षेत्रीले बाजी मारेका छन् ।

लम्साल हालका आईजीपी ठाकुर ज्ञवालीका ब्याची हुन् । त्यस्तै थापा र पालका ब्याची मध्य २ नम्बर प्रदेशका डीआईजी प्रधुम्न कार्की, सीआईबीका निरज शाही, सूर्यप्रसाद उपाध्याय र मेट्रो डीआईजी विश्वराज पोखरेल भने चर्को प्रतिस्पर्धाका बीच बढुवा हुनबाट बञ्चित हुन पुगेका छन् ।

यस्तो छ गृह मन्त्रालयको बढुवा समितिको निर्णय:-