प्रधानमन्त्री ओली भ्रष्टहरुको प्रवक्ता

१७ फालगुण, चितवन । नेपाली कांग्रेसका प्रभावशाली नेता अर्जुननरसिंह केसीले प्रधानमन्त्री केपी ओलीले गोकुल बाँस्कोटाको बचाउ गरेर भ्रष्टहरूको प्रवक्ता बनेको बताएका छन् ।

नेता केसीले नेपाल शिक्षक संघ चितवनको साधारणसभालाई सम्बोधन गर्दै प्रधानमन्त्री ओलीले भ्रष्टाचार, हत्या जस्ता काण्डको बचाउ गर्दै समय व्यतित गरेको बताए । उनले जनताले दिएको दुईतिहाईको जनमत विभिन्न काण्डको बचाउमा लगाएको आरोप समेत लगाए ।

सरकार काण्डै काण्डमा फस्दै गएकाले जनताका अधिकारलाई कानुन बनाएर कटौती गर्न लागेको केसीको आरोप थियो ।