कारोवार रकम ५ अर्ब नजिकै तर परिसुचकमा भने भारी गिरावट, हेराैं प्रविधिक विश्लेषण

१८ फागुन, काठमाडाैं । कारोवार रकमले दिन प्रतिदिन रेकर्ड मारेको बेला आज भने नेप्से परिसुचकमा ठुलाे गिरावट आएको छ । तर कारोवार रकमले भने नयाँ रेकर्ड कायम गरेको छ ।

साताको पहिलो कारोवार दिन नेप्से परिसुचक ४० दशमलव ८२ अंकले घट्दै १५९१ दशमलव ३६ को विन्दुमा बजार बन्द भएको छ । कारोवार रकम भने आज ५ अर्ब नजिकै पुगेको छ । आज १८३ कम्पनीको १ करोड २५ लाख कित्ता शेयर खरिदबिक्री हुँदा कारोवार रकम ४ अर्ब ८४ करोड पुगेको छ ।

करेक्सनको बेलामा कारोवार रकम घट्दै जानु पर्ने ठाउँमा आज कारोवार रकम वृद्धि भएको छ । करेक्सनको बेलामा कारोवार रकम वृद्धि हुनुलाई त्यति सकारात्मक मानिदैन । आज फाईनान्स उपसुचक बाहेक सम्पूर्ण उपसुचकमा गिरावट आएको छ । आज उत्पादन तथा प्रशाेधन उपसुचकमा सर्वाधिक ५ दशमलव २१ प्रतिशतको गिरावट आएको छ ।

बजारलाई ड्राईभ गर्ने वाणिज्य बैंकको उपसुचकमा १ दशमलव ७५ प्रतिशतको गिरावट आएको छ । आज शेयर खुलेबाट नै घट्न थालको थियो । त्यसपछि भने बजार निरन्तर घटेको थियो र बजार बन्द हुने बेला अर्थात २ बजेर ५८ मिनेटमा बजारले न्यून विन्दु समातेको थियो । आजको प्रवृत्तिलाई त्यति सकारात्मक मानिदैन ।

हेरौं, आज सर्वाधिक कारोवार हुने, कमाउने र गुमाउने कम्पनीहरु :

प्राविधिक बिश्लेषण :

पहिलो प्रतिरोध : १६२५ पहिलो टेवा :
• १५८५ आज शेयरबजार केहि घटेको छ । बढ्दो शेयरबजार कहिले काहीं सच्चिनुलाई सकारात्मक मानिन्छ । दुई कारोबार दिनको मैनबत्तीले “बियरिस एन्गल्फिङ्ग” चित्र बनाएको छ ।
• यसले बजारमा आपूर्ती बढ्न सक्ने जानकारी गराउँदछ । दैनिकी अवधिमा “आरएसआई” ७९ दशमलब ५२ को बिन्दुमा छ।
• यो अक्सिलेटरले बजारमा शेयर बढी खरिद भएको जानकारी गराएको छ ।
• “एडिएक्स” तथा जोड-बिजोड “डाइरेक्सनल इन्डेक्स”हरुले हालसम्म बजारमा खरिदकर्ताको चाप रहेको जानकारी गरेको छ ।
• “अन ब्यालेन्स भल्यूम” र बजारको प्रवृत्ति सकारात्मक रहेको जनाएको छ ।
• नेप्से बढेमा पहिलो प्रतिरोध १६२५ को क्षेत्रमा पाउने देखिन्छ र घटेमा पहिलो टेवा १५८५ को क्षेत्रमा पाउने देखिन्छ ।