बजारमा प्यानिक आउनुको यस्तो छ कारण ! करेक्सन मात्र हो त ?

१९ फागुन काठमाडौं । साताको दोश्रो कारोवार दिन नेप्सेमा ६ प्रतिशतको गिरावट आएसंगै बजार कारोवार सकिनु अघिनै बन्द भएको थियो ।  दोश्रो बजारमा ९६ दशमलव ०६ अंकको गिरावट आएसंगै दोश्रो बजारमा नेगेटिभ सर्किट ब्रेक लागेको थियो । सर्किट ब्रेक सम्बन्धी नयाँ नियम आएसंगै बजारमा सर्किट लागेको यो नै पहिलो पटक हो । यस अघि ५ प्रतिशतमा कारोवार बन्द हुन्थ्यो ।

आज कारोवार बन्द हुनु अघि २ अर्ब १५ करोडको शेयर खरिद बिक्री भएको छ । बजार खुलेबाट नै घटेको थियो । आज बजार १ बजेर ३० मिनेटमा नै बन्द भएको थियो ।

आज बजारमा प्यानिक बिक्री आउनुको यस्तो छ कारण ?

• बजार निरन्तर रुपमा वृद्धि भएको धेरै भएको थियो । बजार आक्रामक वृद्धि हुनु र बजारमा करेक्सन नहुनुले बजारलाई जोखिममा राखेको थियो । त्यसैको कारण बजारले दुई दिन देखि आक्रामक रुपमा घटेको छ ।
• यो पटकको बुलमा अर्थमन्त्री परिवर्तन हुनेकुराले धेरै नै सकारात्मक असर गरेको थियो तर अर्थमन्त्री यथावत हुने चर्चासंगै बजारमा बिक्री चाप आएको हुन सक्छ ।
• त्यस्तै कोरोना भाईरसको कारणले गर्दा आर्थिक क्रियाकलाप कम हुन सक्ने संकेत देखिन सक्ने हुनाले त्यसको प्रभाव पनि शेयर बजारमा परेको देखिन्छ ।

करेक्सन हो की बियारिस ट्रेन्ड भन्ने कुरा एक दुइ दिनको कारोवारबाट स्पस्ट नहुने तर यसरी नै एक दुई दिन बजार घटेमा र बजार घट्दा ठुलो कारोवार भएमा चाहीँ  त्यसले केही समय बियारिस मनोविज्ञान निम्ताउने देखिन्छ । 

केही शेयर जानकारका विचार मान्दा निकट भविष्यमा अन्लाईन कारोवारले गर्दा बजारमा पहिले भन्दा उतारचढाव धेरै हुने छ ।

प्राविधिक बिश्लेषण :

पहिलो प्रतिरोध : १५५५ पहिलो टेवा :१४८०

• आज शेयर बजारमा विक्रेताको चाप रहेको छ । बढ्दो शेयर बजार कहिले काहीं सच्चिनुलाई सकारात्मक मानिन्छ ।
• आजको मैनबत्तीले “बियरिस मारुबोजु” चित्र बनाएको छ। यसले अर्को कारोबार दिन पनि आपूर्ती बढ्न सक्ने जानकारी गराउँदछ ।
• दैनिकी अवधिमा “आरएसआई” ६० दशमलब ०४ को बिन्दुमा छ । यो अक्सिलेटरले बजारमा विक्रेताको चाप रहेको जानकारी गराएको छ ।
• “एडिएक्स” तथा जोड ÷ बिजोड “डाइरेक्सनल इन्डेक्स”हरुले बजारमा विक्रेताको चाप रहेको जानकारी गरेको छ ।
• “अन ब्यालेन्स भल्यूम” र बजारको प्रवृत्तिले विक्रेताको चाप हुनसक्ने जनाएको छ ।
• नेप्से बढेमा पहिलो प्रतिरोध १५५५ को क्षेत्रमा पाउने देखिन्छ र घटेमा पहिलो टेवा १४८० को क्षेत्रमा पाउने देखिन्छ ।