पुरुषहरूले उभिएर पिसाब फेर्नु ठीक कि बसेर ?
नेपालबहस संवाददाता
फागुन १९, २०७६ मंगलबार १:५५:२३
१९ फागुन काठमाडौं । कैयौँ संस्कृतिमा बालबालिकालाई केटाहरू उठेर पिसाब फेर्छन् र केटीहरू बसेर पिसाब फेर्छन् भन्ने सिकाइन्छ। तर यो व्याप्त हचुवाको भरमा गरिएको धारणामाथि कैयौँ मुलुकका स्वास्थ्य अधिकारीहरूले प्रश्न उठाएका छन्।
पुरुषहरूले कसरी पिसाब फेर्ने भन्ने कुरा कतिपय सन्दर्भमा स्वास्थ्य र सफाइमा आधारित छन् तर कैयौँका लागि यो समान अधिकारको विषय पनि हो। हाम्रो मृगौलाले रगतबाट फोहोर छानेर पिसाब उत्पादन गर्छ। त्यसपछि यो पिसाबथैलीमा जम्मा हुन्छ । पिसाबथैलीमा पिसाब जम्मा हुन सक्ने भएकाले नै हामी शौचालय जाने चिन्ता धेरै नगरीकन आफ्ना दैनिक काम गर्न सक्छौँ र रातमा निदाउन सक्छौँ।
पिसाबथैलीको क्षमता ३००/६०० मिलिलिटरको हुन्छ। त्यो जब दुई तिहाइ भरिन्छ हामी त्यो खाली गर्न चाहन्छौँ। पिसाबथैली सम्पूर्ण रूपमा खाली गर्न स्वस्थ्य स्नायु नियन्त्रण प्रणाली चाहिन्छ जसले हामीलाई शौचालय जान आवश्यक भएपछि जनाउ दिन्छ र यदि तत्काल जान सकेनौँ भने पिसाब रोकेर बस्न पनि सक्छ। हामी जब सहज अवस्थामा हुन्छौँ, पिसाब थैली वरपरको मांसपेशी खुकुलो हुन जान्छ। त्यसपछि थैली खुम्चिन्छ जुन प्रक्रियामा पिसाब बाहिर निस्कन्छ।
स्वस्थ्य व्यक्तिले पिसाब फेर्न बल गर्नुपर्दैन। तर कहिलेकाहीँ पुरुषहरूमा पिसाब फेर्न अस्थायी रूपमा या स्थायी रूपमा बल लगाउनुपर्ने अवस्था आउन सक्छ। वैज्ञानिक प्रकाशन पीएलओएस वानले गरको एक अध्ययन अनुसार प्रोस्टेट बढेका मानिसहरू जसले पिसाब फेर्न गाह्रो बनाउँछ उनीहरूलाई बसेर पिसाब फेरे फाइदा हुन सक्छ बीबीसी प्रकाशित समाचारमा भनिएको छ ।
यो अध्ययनमा स्वस्थ्य पुरुषहरू र प्रोस्टेट लक्षण भएका पुरुषहरूबीच तुलना गरिएको थियो। प्रोस्टेट लक्षण भएका मानिसहरूमा बसेर पिसाब फेर्दा पैदा हुने एक प्रकारको दबाबले पिसाब फेर्न सजिलो हुने र छिटो हुने पाइएको थियो। तर स्वस्थ्य मानिसमा उठेर या बसेर जसरी पिसाब फेरेपनि कुनै फरक नपर्ने अध्ययनले देखाएको छ।
कहाँनेर पिसाब पार्ने भन्ने सिकाउन केही युनिनलहरूमा किराजस्तो आकृति टाँसिएको हुन्छ । यूकेमा न्याशनल हेल्थ सर्भिस एनएचएसले पिसाब फेर्न समस्या भएका पुरुषहरूलाई आरामदायी र शान्त स्थलमा बसेर पिसाब फेर्न सुझाव दिएको छ।तपाईँले बसेर पिसाब फेर्ने पुरुषहरू प्रोस्टेट क्यान्सरबाट बच्न सक्ने र उनीहरूको यौन जीवनमा पनि सुधार आउने कतिपय कथा सुन्नु भएको होला तर त्यो पुष्टि भएको वा प्रमाणित भएको छैन।
जब एकजना स्थानीय राजनीतिकर्मी शहरका सार्वजनिक शौचालयका अवस्थाबाट दिक्क भए उनले पुरुषहरूलाई अलि विचारशील हुन आग्रह गरे। समाचार जनाइ अनुसार कतिपय ठाउँमा पुरुषहरूले बसेर पिसाब फेरुन् भन्ने सङ्केत राखिएका छन्।
सन् २०१५ मा अदालतमा एउटा मुद्दा परेको थियो। त्यसमा शौचालयको मार्बलको भुइँ पिसाबका कारण बिग्रिएको भन्दै क्षतिपूर्ति मागिएको थियो। तर न्यायाधीशले पुरुषहरूले उठेर पिसाब गर्ने तरिका सांस्कृतिक परम्परा बमोजिमकै रहेको भन्दै ‘अझ पनि धेरैले उठेर पिसाब फेर्ने गरेको बताएका थिए।’
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपगर्मीमा खानुहोस् यी फलफूल, पेट र दिमाग दुवै चिसो हुनेछ
जेठ ५, २०८१ शनिबार
पानीको कमीले गर्मीमा बेचैनी निम्त्याउँछ, दैनिक खानुहोस् यी पाँच चीज
जेठ ५, २०८१ शनिबार
के मधुमेहका बिरामीले गर्मीमा नरिवलको पानी पिउन मिल्छ ?
जेठ ५, २०८१ शनिबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
तपाईको आजको राशीफल कस्तो छ ?
जेठ ६, २०८१ आइतबार
संसदीय छानबिन समितिको टीओआर बनाउन कानून मन्त्रीको संयोजकत्वमा कार्यदल गठन
जेठ ५, २०८१ शनिबार
ट्राफिक प्रहरी जवानको हत्या आरोपमा ६ जना पक्राउ
जेठ ६, २०८१ आइतबार
यस वर्ष धान रोपाइँका समयमा रासायनिक मलको अभाव नहुने
जेठ ६, २०८१ आइतबार
प्रतिनिधिसभा बैठक शुरु, गृहमन्त्री लामिछाने बोल्दै
जेठ ६, २०८१ आइतबार
उपेन्द्रले सभामुखलाई दिए ७ सांसदलाई कारवाही गरेको जानकारी
जेठ ६, २०८१ आइतबार
करेन्ट लगाएर माछा मर्ने क्रममा एकको मृत्यु
जेठ ६, २०८१ आइतबार