हात्ती आक्रमणका कारण राजविराजमा दुई जनाको मृत्यु

♦ धीरुभाइ

२०, फागुन, राजविराज । दुई दिनअघि गाईबाख्रा चराउन जङ्गल गएकी एक महिलालाई हात्ती आक्रमणबाट मृत्यु भएको अवस्थामा आज जंङ्गलमा फेला पारेको प्रहरीले जनाएको छ ।

मृत्यु हुनेमा अग्निसाईर कृष्णसबरण गाउँपालिका १ भवानीपुर वस्ने वर्ष ५५ की मजादेबी सरदार रहेकी छिन् । हात्तीले मारेको अवस्थामा उनको शव भेटिएको जिल्ला प्रहरी कार्यालय सप्तरीका प्रवक्ता प्रहरी नायब उपरीक्षक तिलक भारतीले जानकारी दिए । गत आइतबार सो गाउँपालिकाको गिसाखोला जंगलमा गाई र बाख्रा चराउन गएकी मजादेवी घर नफर्किएपछि आफन्तले खोजतलास गर्दै जाँदा मंगलबार बिहान मृत अवस्थामा फेला पारेको प्रहरीले बताएको छ ।

यता तीन दिन अघि गत शनिबार जङ्गली हात्तीको आक्रमणबाट जिल्लाको कञ्चनरुप नगरपालिका ५ पथरी टोल बस्ने ४१ वर्षीया चन्द्रिकादेवी मुखियाको मृत्यु भएको थियो । कोसी टपु वन्यजन्तु आरक्षभित्र जंगलमा घाँस र दाउरा काट्ने क्रममा आरक्षका जङ्गली हात्तीले मुखियालाई आक्रमण गरेको थियो । हात्तीले आक्रमण गरेको उनको घटना स्थलमा नै मुत्यु भएको थियो । यस घटना बिर्सन नपाउँदै फेरि अर्को महिलाको हात्ती आक्रमणमा परी मृत्यु भएपछि जिल्लाको पूर्वी भेगका बासी त्रसित भएका छन ।